Qazaqstannyń tuńǵysh Paralımpıada chempıony daýys berdi

TARAZ. QazAqparat – Elimizden shyqqan tuńǵysh Paralımpıada chempıony Zýlfııa Gabıdýllına Taraz qalasyndaǵy №464 saılaý ýchaskesinde óz tańdaýyn jasady, dep habarlaıdy QazAqparat tilshisi.

Memleket maqtanyshy daýys berý rásiminen keıin júrekjardy lebizin jetkizip, el tynyshtyǵyn tiledi.

«Búgin - mańyzdy kún. Sebebi biz el tarıhynda erekshe oryn alatyn saıası naýqanǵa qatysyp otyrmyz. Ár azamat erikti túrde daýys berip jatyr. Álemdik pandemııaǵa baılanysty saqtyq sharalary da kúsheıtilgen. Alaıda bul óz saılaý ýchaskeme kelip daýys berýge esh kedergi keltirgen joq. Barlyǵyńyzdy búgingi merekemen quttyqtaımyn. Elimiz aman, jurtymyz tynysh bolsyn», – dedi Z.Gabıdýllına.

Zýlfııa Gabıdýllınany jyly shyraımen qarsy alǵan saılaý ýchaskesine jaýaptylar estelik syılyq tartý etip, óziniń azamattyq boryshyna jaýapkershilikpen qaraǵan chempıonǵa alǵysyn jetkizdi.