Qazaqstannyń tranzıttik-kólik múmkindikteri Venada EQYU alańynda usynyldy
Talqylaýǵa EQYU elderiniń, Qazaqstandaǵy EQYU baǵdarlamalary ofısiniń, BUU Eýropalyq ekonomıkalyq komıssııasynyń (UNECE), Baký halyqaralyq teńiz saýda portynyń ókilderi qatysty.
Sessııada EQYU aımaǵyndaǵy tasymaldaýdy tabysty damytý tájirıbesi jóninde «KTZ Express» AQ atqarýshy dırektory S. Anashkın sóz sóıledi.
Ol EQYU-ǵa qatysýshy elderdiń Jańa Jibek joly baǵdaryndaǵy jáne Qazaqstandaǵy tranzıttik tasymaldardy yntalandyrýdyń baǵdarlamalary týraly, Eýrazııalyq kólik-logıstıkalyq habyn jasaqtaý máselesi týraly áńgimeledi.
Qazaqstannyń ishki jáne syrtqy sheginde shoǵyrlandyrýdyń logıstıkalyq ortalyqtarynyń tirek jelileri men júk aǵyndarynyń dıstrıbýtsııasy damýda, jeke sektordy paıdalana otyryp ınvestıtsııalyq jobalardy júzege asyrýdyń qolaıly jaǵdaılary jasalýda.
Azııa, Eýropa, Túrkııa jáne Parsy shyǵanaǵy elderinde mýltımodaldyq sheshimderdi qoldaný jáne logıstıkalyq qyzmetti jetildirý arqyly konteınerlik qyzmet túri belsendi damyp keledi.
S. Anashkın Transkaspıı halyqaralyq kólik baǵdarymen tasymaldaýdy uıymdastyrý (TKHB), TKHB Úılestirý keńesiniń Kaspıı teńizi men Qara teńiz jaǵalaýy elderiniń ınfraqurylymdyq habyn mýltımodaldyq paıdalaný tıimdiligin kóterý barysyna toqtaldy.
EQYU sarapshylary Eýropa-Azııa baǵdaryndaǵy júk aǵynyna suranystyń arta túskendigine oraı, kedendik baqylaý men eksporttyq-ımporttyq operatsııalar merzimin jedeldetip, rásimin jetildirý kerek ekenin atap ótti.
Kezdesýde logıstıka, mashına jasaý, kommýnıkatsııalyq aqparattyq júıedegi jergilikti bıznes ókilderimen kezdesýde avstrııalyq áriptestermen ózara seriktestikti damytý týraly ýaǵdalastyqtarǵa qol jetkizildi.
Sonymen qatar, logıstıkalyq servısti aqparattandyrý jáne jańǵyrtý salasyndaǵy jobalardy iske asyrý jónindegi yntymaqtastyq keleshegi talqylandy.
