Qazaqstannyń tranzıttik- kólik múmkindigi Venada EQYU alańyna usynyldy
«Qazaqstan temir joly» UK» AQ baspasóz qyzmetiniń habarlaýynsha, talqylaýǵa EQYU elderiniń, Qazaqstandaǵy EQYU baǵdarlamasy ofısiniń, BUU Eýropalyq ekonomıkalyq komıssııasy (UNECE), Baký halyqaralyq teńiz saýda porty ókilderi qatysqan.
Sessııada EQYU aımaǵyndaǵy tasymaldaýdy tabysty damytý tájirıbesi jóninde «KTZ Express» AQ atqarýshy dırektory S. Anashkın sóz sóıledi.
Ol EQYU qatysýshy elderiniń Jańa Jibek joly baǵdaryndaǵy jáne Qazaqstandaǵy tranzıttik tasymaldy yntalandyrýdyń baǵdarlamalary týraly, Eýrazııalyq kólik-logıstıkalyq habyn jasaqtaý máselesi týraly áńgimeledi.
Qazaqstannyń ishindegi jáne syrtyndaǵy logıstıkalyq shoǵyrlandyrý tirek jelileri men júk aǵyndary dıstrıbýtsııasy, jeke sektordy paıdalana otyryp ınvestıtsııalyq jobalardy júzege asyrýdyń qolaıly jaǵdaılary jasalýda.
Azııa, Eýropa, Túrkııa jáne Parsy shyǵanaǵy elderinde mýltımodaldyq sheshimderdi qoldaný jáne logıstıkalyq qyzmetti jetildirý arqyly konteınerlik qyzmet túri belsendi damýda.
S. Anashkın Transkaspıı halyqaralyq kólik baǵdarymen tasymaldaýdy uıymdastyrý (TKHB), TKHB Úılestirý keńesiniń Kaspıı jáne Qara teńizderi jaǵalaýy elderiniń ınfraqurylymdyq habyn mýltımodaldyq paıdalaný tıimdiligin kóterý barysyna toqtaldy.
EQYU sarapshylary Eýropa-Azııa baǵdaryndaǵy júk aǵynyna suranystyń arta túskendigine oraı, kedendik baqylaý men eksporttyq- ımporttyq operatsııalar merzimin jedeldetip, resimin jetildirý kerek ekendigin atap ótti.
Kezdesýde logıstıka, mashınajasaý, kommýnıkatsııalyq aqparattyq júıedegi jergilikti bıznes ókilderimen kezdesýde avstrııalyq áriptestermen ózara seriktestikti damytý týraly ýaǵdalastyqtarǵa qol jetkizildi.
Onyń syrtynda, servıstik qyzmetti jańǵyrtý men aqparattyq qoldaý jobalarynyń bolashaǵy da talqylandy.
