Qazaqstannyń tranzıttik áleýeti artyp keledi
«Nurly jol» memlekettik baǵdarlamasy elimizdiń transporttyq-logıstıkalyq múmkindikterin jaqsarýǵa baǵyttalyp, baǵdarlama aıasynda birneshe jol toraptary salynyp, qoldanysqa berilýde. Baǵdarlamanyń «Kóliktik-logıstıkalyq ınfraqurylymdy damytý» baǵyty boıynsha 15 joba, sonyń ishinde avtokólik joldary salasynda - 11, temirjol salasynda - 2, sý jáne áýe joldary kóliginde 2 joba júzege asýda. ıAǵnı, elimizde avtokólik jolyn da, temir jolyn da salý qarqyndy júrgizilip jatyr.
El ekonomıkasy úshin strategııalyq mańyzǵa ıe bolyp otyrǵan Batys Eýropa-Batys Qytaı dáliziniń qurylysy búginde qarqyndy júrgizilýde. Qazaqstannyń 5 oblysynyń aýmaǵy arqyly ótip, Qytaıdan shyqqan taýardy Eýropadaǵy dittegen jerge nebári 15 táýlikte jetkizýge múmkindik beretin bul megajobanyń qurylysy 2016 jyly tolyǵymen paıdalanýǵa beriletin bolady. Atalǵan jumystardy tyńǵylyqty atqarý úshin mol qarjynyń da kerek ekendigi túsinikti. Ol qarjy bar da. Atap aıtqanda, 2015 jyly jol jobalaryn júzege asyrýǵa Ulttyq qordan - 178 mlrd teńge, al 2016 jyly 143,3 mlrd. teńge bólindi.
Sonymen qatar, otandyq kompanııalardyń ónimderine degen suranysty arttyrýdy jáəne jańa jumys oryndaryn uıymdastyrý úshin «Nurly jol» baǵdarlamasynyń aıasynda josparlanǵan barlyq jobalardy qarjylandyrý aǵymdaǵy jyldyń aqpan aıynan bastalǵan bolatyn. Sóıtip, aýqymdy jobalardyń júzege asyrylý barysynda «Ortalyq-Ońtústik, Ortalyq-Shyǵys jáne Ortalyq-Batys jobalary boıynsha kóliktik-logıstıkalyq ıfraqurylymdardy damytý úshin 1019 shaqyrym jolda jumystar jalǵasyn taýyp, jyl sońyna deıin 272 shaqyrymy paıdalanýǵa berilý kózdelip otyr.
Baǵdarlamanyń eldiń tranzıttik múmkindikterin arttyryp, ınfraqurylymdy jaqsartýdaǵy mańyzy týraly memleket basshysy N.Nazarbaev: «Nurly jol» memlekettik baǵdarlamasy aıasynda ınfraqurylymdyq nysandardyń qurylysy men olardy jańǵyrtý jumysy júrip jatyr. Olar - transqurlyqtyq «Batys Eýropa - Batys Qytaı» avtomobıl dáliziniń qazaqstandyq bóligi, «Qazaqstan - Túrikmenstan - Iran» temirjoly, Lıanıýngan Qytaı portyndaǵy logıstıkalyq termınal sııaqty jobalar. Kaspıı jaǵasynda Quryq parom kesheniniń qurylysy júrýde. Osylaısha, Qazaqstan aýqymdy ınfraqurylymdyq jobalardy iske asyra otyryp, osy kólik joldary arqyly óńiraralyq ózara is-qımyl úshin senimdi platforma qalyptastyrýda, - degen edi.
Rasynda, «Nurly jol» baǵdarlamasy aıasynda salynǵan tranzıttik toraptar elimizdiń kóliktik-logıstıkalyq múmkindikterin jaqsartyp, kórshiles elderimen baılanysyn arttyra túspek.
