Qazaqstannyń tórt óńirinde kún buzylady
ASTANA. QazAqparat - Elimizdiń úsh oblysynda jáne Shymkent qalasynda aldaǵy táýlikterde aýa raıy qolaısyz bolady, dep habarlaıdy QazAqparat «Qazgıdromet» RMK-ǵa silteme jasap.
20-22 aqpanda Qyzylorda oblysynyń keı jerlerine tuman túsip, kóktaıǵaq bolady. 20 aqpanda tańerteń jáne kúndiz ońtústik-batys, batys baǵyttan jyldamdyǵy 15-20 m/s-ke jetetin jel soǵady.
Daýyldyń yqtımaldyǵy - 95-100%.
20 aqpanda Túrkistan oblysynyń keı jerlerine jaýyn-shashyn, tuman túsip, kóktaıǵaq jáne burqasyn bolady. Oblystyń basym bóliginde ońtústik-batys, batys jeli soǵyp, onyń jyldamdyǵy 15-20, keı jerlerde 23-28 m/s bolady.
Túrkistanda 20 aqpanda ońtústik-batys, batystan jel soǵyp, onyń jyldamdyǵy 15-20, ekpini 25 m/s-ke jetedi.
Shymkentke 20 aqpanda qatty jaýyn-shashyn túsip, jyldamdyǵy 15-20, ekpini 25 m/s-ke jetetin jel soǵady. Daýyldyń yqtımaldyǵy - 95-100%.
20 aqpan kúni túnde Mańǵystaý oblysynyń keı jerlerinde burqasyn, kóktaıǵaq, soltústik-batystan soǵatyn jeldiń kúshi 15-20 m/s saqtalady.
Sol kúni Aqtaý qalasynda túndekóktaıǵaq bolady.
