Qazaqstannyń tórt óńirinde birinshi aýysym oqýshylary qashyqtan oqıdy

ASTANA. QazAqparat – Astana qalasy men Shyǵys Qazaqstan, Qostanaı jáne Abaı oblystarynyń birneshe aýdanynda oqýshylar onlaın formatta bilim alady, dep habarlaıdy QazAqparat tilshisi.

Astana bilim basqarmasy 2 jeltoqsan kúni aýa raıynyń qolaısyzdyǵyna baılanysty birinshi aýysymnyń 0-4 synyp oqýshylary sabaqqa úıden qosylatynyn habarlady.

ShQO tótenshe jaǵdaılar departamenti baspasóz qyzmetiniń málimetine súıensek, aýa raıy qolaısyzdyǵyna, naqty aıtqanda aıazǵa baılanysty birneshe aýdanda oqýshylar qashyqtan oqıdy.

«Atap aıtqanda, Altaı aýdanynda birinshi aýysymdaǵy 0-4 synyp, Glýbokoe aýdandany men Rıdder qalasynda 0-9-synyp oqýshylary mektepke barmaıdy. Qalǵan qala, aýdandarda sabaq dástúrli formatta ótedi», - dep habarlady vedomstvo ókilderi.

Abaı oblysy ákimdiginiń dereginshe, Semeı qalasynda 1-4 synyp oqýshylary, Besqaraǵaı, Borodýlıha aýdandarynda 1-9 synyptar qashyqtan oqıdy.

Sondaı-aq Kýrchatov qalasynyń mektepterinde 1-4 synyp jáne daıarlyq top oqýshylary mektepke barmaıdy.

Qostanaı oblysynyń Amangeldi jáne Jangeldi aýdanyndarynda da 0-4 synyptar birinshi aýysymda onlaın oqytý formatyna kóshirildi.