Qazaqstannyń tórt óńirinde aýa raıynda baılanysty eskertý jarııalandy
NUR-SULTAN. QazAqparat – Aqmola, Qostanaı, Shyǵys Qazaqstan jáne Batys Qazaqstan oblystarynda dabyldy eskertý jarııalandy, dep habarlaıdy QazAqparat «Qazgıdromet» RMK silteme jasap.
2020 jyldyń 26 - 27 qańtarynda Kókshetaý qalasynda qar, burqasyn, kóktaıǵaq bolady. Ońtústik-batystan soǵatyn jeldiń kúshi kúndiz 15-20 m/s, túnde – 23 m/s jetedi.
26 qańtarda Shyǵys Qazaqstan oblysynda qar, keı jerlerde túnde qalyń qar kútiledi. Keı jerlerde burqasyn soǵyp, kóktaıǵaq bolady. Ońtústik-batystan soǵatyn jeldiń kúshi keı jerlerde 15-20 m/s jetedi.
26 qańtarda Batys Qazaqstan oblysynda jaýyn-shashyn, keı jerlerinde kóktaıǵaq, burqasyn kútiledi. Soltústik-batystan, batystan soǵatyn jeldiń kúshi 15-20 m/s, keı jerlerde 25 m/s jetýi yqtımal. Oral qalasynda 26 qańtarda burqasyn, kóktaıǵaq, soltústik-batystan, batystan soǵatyn jeldiń ekpini 15-20 m/s deıin jetedi.
26 qańtarda Qostanaı oblysynda qar, burqasyn, keı jerlerinde tuman, kóktaıǵaq. Ońtústik-batystan jel soǵady, kúshi 15-20, kúndiz ekpini 23-28 m/s jetedi. Qostanaı qalasynda 26 qantarda qar, burqasyn, ońtústik-batystan jel soǵady, onyń ekpini -15-20 m/s.
