Qazaqstannyń tórt oblysynda jol jabyq
ASTANA. QazAqparat - 21 qańtardaǵy jaǵdaı boıynsha QR oblystaryndaǵy respýblıkalyq mańyzdaǵy joldarda kólikterdiń qozǵalysyna qoıylǵan shekteýler saqtalady, dep habarlaıdy «Qazaqavtojol» RMK.
Osylaısha, Aqtóbe oblysynda aýa raıynyń buzylýyna (qar, boran, kóktaıǵaq) baılanysty Aqtóbe qalasynyń «Soltústik aınalma jol» (0-39 shaqyrym) jolynda buryn engizilgen kóliktiń barlyq túrine jol qozǵalysyn shekteý saqtalady.
Qoǵamdyq jáne júk kólikterine shekteý «Aqtóbe-Orsk» 16-135 shaqyrym, Pýteprovod kentinen RF shekarasyna deıingi ýchaskede saqtalady.
Almaty oblysynda aýa raıynyń nasharlaýyna (boran, joldyń kórinbeýi) baılanysty «Úsharal-Dostyq» 83-184 shaqyrym, Kóktýma kentinen Dostyq kentine deıingi ýchaskede kóliktiń barlyq túri úshin jol qozǵalysy shekteldi.
Saǵat 18.45 Qostanaı oblysynda aýa raıynyń nasharlaýyna baılanysty «Ekaterınbor-Almaty» a/j 686-729 km. Sarykól kentinen SQO shekarasyna deıingi ýchaskede kóliktiń barlyq túri úshin jol qozǵalysy shekteldi.
SQO-da saǵat 17.30 aýa raıynyń nasharlaýyna baılanysty kelesi avtojoldarda kóliktiń barlyq túriniń qozǵalysy úshin shekteýler qoıyldy:
1. «Kókshetaý-Rýzaevka» 102-192 shaqyrym, Saýmalkól aýylynan Rýzaevka aýylyna deıingi ýchaske;
2. «Ekaterınbor-Almaty» 729-856 km., Qostanaı oblysynyń shekarasynan Aqmola oblysynyń shekarasyna deıin.
