Qazaqstannyń tórt oblysynda paıdalanylmaıtyn 8,3 mln gektar jer anyqtaldy
«Memleket basshysynyń jerlerdi aýyl sharýashylyǵy aınalymyna tartý jónindegi tapsyrmasy aıasyndy Jerdi qashyqtyqtan zondtaý arqyly aýyl sharýashylyǵy jerleriniń paıdalanylýyna memlekettik baqylaý júrgizýge múmkindik beretin ǵaryshtan monıtorıngteý jónindegi pılottyq joba júrgizilýde. 2020 jyly pılottyq óńirler retinde Aqmola, Shyǵys Qazaqstan, Qostanaı jáne Mańǵystaý oblystary aıqyndaldy», - dedi mınıstr.
Saparhan Omarovtyń aıtýynsha, pılottyq óńirlerdi ǵaryshtyq monıtorıngteýdiń birinshi kezeńiniń derekteri boıynsha 8,3 mln gektar paıdalanylmaıtyn jer anyqtaldy. Onyń ishinde 2,6 mln gektar jaıylym erikti túrde memlekettik menshikke qaıtaryldy. 5,7 mln gektar jer ıelerine buzýshylyqtardy joıý týraly habarlama jiberildi.
«Osy jobany júrgizý barysynda mınıstrlik jerdi utymsyz paıdalanýdy aıqyndaý ádisnamasyn odan ári jetildirý úshin jergilikti atqarýshy organdarmen birlesip pılotqa jáne onyń nátıjelerine taldaý júrgizýde», - dedi ol.