Qazaqstannyń tórt oblysynda aýa raıyna baılanysty eskertý jarııalandy
ASTANA. QazAqparat - Elimizdiń birneshe oblysynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
18 qazanda Qostanaı oblysynyń keı jerlerine tuman túsip, kóktaıǵaq bolady jáne boran soǵyp, soltústik-batys jeliniń jyldamdyǵy 15-20 m/s-ke jetedi.
17 qazan kúni keshten bastap 18 qazan keshke deıin Qyzylorda oblysynyń keı jerlerinde batys, ońtústik-batys jeli soǵyp, onyń jyldamdyǵy 15-20, ekpini 23-28 m/s-ke jetedi. Sondaı-aq, óńirde tuman túsip, kóktaıǵaq bolady.
Shyǵys Qazaqstan oblysynda 18 qazanda (17 qazan 21.00-den 18 qazan 21.00-ge deıin) ońtústik-batystan jel soǵyp, onyń jyldamdyǵy 15-20, kúndiz ekpini 25 m/s bolýy yqtımal.
Óskemen qalasynda ońtústik-batys baǵyttan jel soǵyp, onyń ekpini 15-20 m/s-ke jetedi.
Semeı qalasynda 18 qazanda kúndiz ońtústik-batystan soǵatyn jeldiń ekpini 15-20 m/sbolady.
18 qazanda (17 qazan saǵat 21.00-den 18 qazan 21.00-ge deıingi aralyqta) Soltústik Qazaqstan oblysynda soltústik-batystan soǵatyn jeldiń jyldamdyǵy 15-20, keı jerlerde ekpini 23-28 m/s jetedi. Keı jerlerde tuman túsip, kóktaıǵaq bolady jáne boran soǵady.
Petropavl qalasynda 18 qazanda soltústik-batystan soǵatyn jeldiń jyldamdyǵy 15-20, ekpini 25 m/s-ke jetedi jáne kóktaıǵaq bolady.
