Qazaqstannyń tórt qalasynda ruqsat etilgen mıtıngi ótti
NUR-SULTAN. QazAqparat – 2020 jyldyń mamyr aıynda «Qazaqstan Respýblıkasynda beıbit jınalystardy uıymdastyrý men ótkizý týraly» zańǵa qol qoıylǵan bolatyn. ıAǵnı sodan beri beıbit mıtıng ótkizý kezinde ruqsat alýdyń qajeti joq, tek ol týraly jergilikti atqarýshy organǵa habarlanýy kerek.
Bul sharalar azamattardyń konstrýktıvti suranysyna jedel ári tıimdi jaýap beretin «Halyq únine qulaq asatyn memleketti» qurýǵa baǵyttalǵan, dep habarlaıdy QazAqparat tilshisi.
13 qyrkúıekte eldiń tórt qalasynda, atap aıtqanda Almaty, Qaraǵandy, Aqtóbe men Semeı qalasynda mıtıng bolyp ótti. Almatyda mıtıngke 100-ge tarta adam qatysty. Basqa aımaqtarda aktsııaǵa qatysýshylardyń sany az boldy.
Memlekettik organdar jınalystardy ótkizý kezinde zańda qarastyrylǵandaı qoldaý kórsetti. Qajet bolǵan jaǵdaıǵa medıtsınalyq kómek qarastyrylyp, qoǵamdyq tártipti saqtaý úshin quqyq qorǵaý organdary qyzmetkerleri de boldy. Jýrnalısterge arnalǵan jedel baspasóz ortalyǵy quryldy.
Mıtıngke qatysýshylarǵa maskany paıdalanyp, qoqysty tastamaýy kerektigi týraly jadynamalar taratyldy. Sondaı-aq mıtıngke qatysýshylardyń temperatýrasy ólshendi.
Jıynǵa qatysýshylar qazaqstandyq jerdi sheteldikterge jáne azamattyǵy joq adamdarǵa jalǵa bermeý, halyqqa nesıelik amnıstııa jarııalaý máselelerin kóterdi.
El Prezıdenti Qasym-Jomart Toqaev jer máselesine qatysty suraqqa núkte qoıǵan bolatyn. 10 shildede ótken Úkimettiń keńeıtilgen otyrysynda ol jer sheteldikterge satylmaıtynyn jáne munyń túpkilikti sheshim ekenin málimdegen edi.
Úkimetke jerdi tıimdi paıdalaný máselesin sheshý, Jer kodeksine túzetýlerdi engizý, bul taqyrypty fermerler birlestigimen el aldynda talqylaý tapsyrylǵan bolatyn.
Inventarızatsııa barysynda anyqtalǵan, paıdalanylmaı jatqan 12,8 mıllıon gektar jerdiń 7 mıllıon gektary memleketke qaıtaryldy.
Agroónerkásiptik keshendi damytý úshin ınvestıtsııalar men tehnologııalar tartylýda.
Nesıelik amnıstııaǵa keler bolsaq, bankten alǵan nesıeler boıynsha memleket azamattarǵa qaryzyn qaıtarýǵa kómektesken edi.
2019 jyldyń 26 maýsymynda Qazaqstan Prezıdenti «Qaryz júktemesin tómendetý týraly» Jarlyqqa qol qoıdy. Úkimet pen Ulttyq bankke áleýmettik turǵyda az qamtylǵan azamattardyń kepilsiz tutynýshylyq qaryzyn esepten shyǵarý boıynsha protsesti bastaýdy tapsyrǵan edi. Ol sanattaǵy azamattardyń qataryna – kópbalaly otbasylar, múgedek balalary bar otbasylar, asyraýshysynan aıyrylǵan otbasylar, ataýly áleýmettik kómek alýshylar, ómirlik ártúrli aýyr jaǵdaıda qalǵan azamattar jatqyzyldy.
Osynyń nátıjesinde qaryzy barlardyń 300 myń teńgeden nesıesi jabyldy. Sonymen birge jarty mıllıon qazaqstandyq qosymsha nesıesin jabý úshin 300 myń teńgeden aldy. Qaryzy barlarǵa qujat jınaýy kerektigi suralmady. Qaryzdy jabý máselesin tolyǵymen memleket óz moınyna aldy. Qaryzy barlar amnıstııadan keıin bank qyzmetinen nesıe tarıhyn tekserip biletin boldy.
Jalpy sanktsııalanǵan mıtıngter memlekettik organdardyń «Halyq únine qulaq asatyn memleket» tujyrymdamasynyń tabysty júzege asyrylyp jatqanyn kórsetti.
