Qazaqstannyń tórt qalasynda aýa sapasy nasharlaıdy
ASTANA. QazAqparat - Seısenbi, 25 jeltoqsan kúni Qazaqstan qalalarynyń kópshiliginde meteorologııalyq jaǵdaı jaıly bolady, dep habarlaıdy QazAqparat.
«Qazgıdromet» RMK-nyń málimetinshe, Petropavl, Óskemen, Shymkent qalalarynda aýa sapasynyń nasharlaıtyny kútiledi. Al Qaraǵandy qalasynda jaǵymsyz meteojaǵdaılar saqtalady.
Elimizdiń qalǵan qalalarynda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
