Qazaqstannyń tórt boksshysy Londonda ótetin Olımpıada oıyndaryna joldamany jeńip aldy
TANA. 5 qazan. QazAqparat - Qazaqstannyń tórt boksshysy, atap aıtsaq, Ádilbek Nııazymbetov, Danabek Sýjanov, Ǵanı Jaılaýov pen qurama kapıtany Serik Sápıev Londonda ótetin Olımpıada oıyndaryna joldamany utyp aldy.
Bul týraly Qazaqstan boks federatsııasynyń baspasóz qyzmeti habarlady.
Sondaı-aq 1/8 fınalyn jeńispen aıaqtaǵan Vasılıı Levıt pen Ivan Dychko álem chempıonatynyń kelesi aınalymyna ótti. Endi olar Olımpıada oıyndaryna beriletin lıtsenzııalar úshin sharshy alańǵa shyǵady. Ókinishke oraı Danııar Eleýsinov úshin keshegi oıyn kúni sátsiz boldy.
Ádilbek Nııazymbetov chempıonattaǵy óziniń úshinshi jekpe-jegin kolýmbııalyq sportshy Djeısson Varell Monroıǵa qarsy ótkizip, birinshi raýndta 5:2 esebimen jeńiske jetti. Al ekinshi raýnda jerlesimiz nebári 40 sekýnd ishinde qarsylasyn tize búktirdi. Jartylaı fınalǵa shyǵý úshin endi Ádilbek erteń qytaılyq boksshy, ótken jylǵy Azııa oıyndarynyń qola júldegeri Men Fanlongpen qolǵap túıistiredi.
Ekinshi lıtsenzııanyń ıegeri Danabek Sýjanov AQSh-tan kelgen 22 jasar qarsylasy Djessı Hartty 17:15 esebimen utty.
Mońǵolııanyń bylǵary qolǵap sheberi ıAvhlan Barıadqa qarsy shyqqan otandasymyz Ǵanı Jaılaýov 19:15 esebimen úshinshi lıtsenzııany ıelendi.
Al Qazaqstan quramasynyń kapıtany Serik Sápıevpen sharshy alańǵa shyqqan Japonııa ókili ıAsýhıro Sýzýkı bizdiń boksshymyzdaen 25.12 esebimen jeńilip qaldy.
Shırek fınalǵa shyǵatyn juptardyń quramy
Kúndizgi baǵdarlama (jarystar Astana ýaqytymen 16.00-de bastalady)
75 kg - Danabek Sýjanov - Eskýıva Falsao (Brazılııa)
81 kg - Ádilbek Nııazymbetov - Meng Fanlong (Qytaı)
91 kg - Vasılıı Levıt - Ksýan Ksýan Hvan (Qytaı)
Keshki baǵdarlama (Astana ýaqytymen 20.00-de bastalady)
60 kg - Ǵanı Jaılaýov - Djaı Bhagvan (Úndistan)
69 kg - Serik Sápıev - Errol Spens (SShA)
+91 kg - Ivan Dychko - Fılıpp Hrgovıch (Horvatııa).
