Qazaqstannyń tórt aımaǵynda burqasyn saldarynan joldar jabyldy
ASTANA. QazAqparat - QR ІІM-niń TJ komıteti Qazaqstannyń birqatar aýmaqtarynda joldardyń jabylǵany týraly habarlady.
Osylaısha, aýa raıynyń qolaısyzdyǵyna baılanysty «Astana-Atbasar» kúre jolynyń ýchaskesi kóliktiń barlyq túrleri úshin jabyldy.
Aqmola oblysynda «Astana-Petropavl» (304-341 shaqyrymy) men «Mamlıýtka-Qostanaı» kúre joldarynyń ýchaskeleri (404-180 shaqyrymy) jabyldy.
Aqtóbe oblysynda «Qarabutaq-Komsomol» tas jolynyń ýchaskesinde (89-231 shaqyrymy) kóliktiń barlyq túrleri úshin qozǵalysqa tyıym salyndy.
Sonymen birge aýa raıynyń qolaısyzdyǵyna baılanysty «Denısovka-RF shekarasy» (0-174 shaqyrymy), «Jezqazǵan-Petropavl» (252-377 shaqyrymy), «Arqalyq-Torǵaı», «Uzynkól-Sarykól», «Qostanaı-Vedenka» kólik joldarynyń ýchaskelerinde kóliktiń barlyq túrleri úshin qozǵalys jabyldy. Soltústik Qazaqstan oblysynda qalyń qardyń túsýi, burqasyn men joldyń nashar kórinýi saldarynan «Mamlıýtka-Qostanaı» (0-180 shaqyrymy), «Chelıabi-Novosibir» (465-655 shaqyrymy); «Petropavl-Sokolovka-Esil» (11-73 shaqyrymy); «Jezqazǵan-Petropavl» (719-954 shaqyrymy); «Astana-Petropavl» (341-473 shaqyrymy) kúre joldarynyń ýchaskelerinde kóliktiń barlyq túrleri úshin jabyldy.
