Qazaqstannyń TKSh ulttyq palatasy PIK-ti JShS-ǵa aýystyrýdy usynady

ASTANA. 9 jeltoqsan. QazAqparat - Qazaqstannyń turǵyn úı-kommýnaldyq sharýashylyǵy men qurylysy ulttyq palatasy páter ıeleri kooperatıvterin jaýapkershiligi shekteýli seriktestikte aýystyrýdy usynady. Bul týraly búgin elordada ótip jatqan «Turǵyn úı-kommýnaldyq sharýashylyǵyn jańǵyrtý baǵdarlamasy: Suraq, jaýap jáne nusqaýlar» atty respýblıkalyq konferentsııada atalǵan palatanyń basqarma tóraǵasy Tóleýtaı Rahymbekov aıtty.

«Kóppáterli turǵyn úılerdi basqarýdyń páter ıeleri kooperatıvi nysanyndaǵy qoldanystaǵy júıesi búgingi kúnniń talaptaryna saı kelmeıdi. Kásibıliktiń tómen deńgeıi, qyzmet sapasynyń nasharlyǵy kóptegen aryz-shaǵymdy týyndatyp otyr», - dedi ol.

Sonymen qatar basqarma tóraǵasy páter ıeleriniń ózderi de kondomınıým nysandaryn basqarý men kútip ustaýdy uıymdastyrýda enjarlyq tanytatyndyǵyn basa aıtty. Onyń alǵa tartqan derekterine qaraǵanda, búginde elimizde 182,5 mln. sharshy metrdi quraıtyn 160285 kóppáterli turǵyn úı bar. Olardy 8788 basqarý organy basqarady. ıAǵnı, bir basqarý organyna shamamen 18-20 kóppáterli turǵyn úı nemese shamamen 330 páterden keledi. Al Polshada bir basqarýshy organǵa 60-70 myń tuǵryny bar úıler qaraıdy. Máselen, 470 myń turǵyny bar Şetsın qalasynda ne bári 8 basqarýshy kompanııa bolsa, 1,5 mıllıon turǵyny bar Varshava qalasynda kóppáterli turǵyn úılerge 18 organ qyzmet kórsetedi. Halqynyń sany 800 myńǵa jaqyndaǵan elordada bolsa, mundaı organdardyń sany 301-ge jetip jyǵylady.

«Kooperatıvterdiń uıymdastyrý-quqyqtyq nysanynyń ózi utqyr emes, nátıjesiz. Mańyzdy sheshimder qabyldaý úshin kooperatıv músheleriniń jalpy jınalysyn shaqyrý talap etiledi. Al PIK-terdiń jınalysy qalaı ótetindigin bárimiz de jaqsy bilemiz. Mine, bul jaǵdaıda munyń barlyǵy da PIK basshylyǵynyń uqyptylyǵyna baılanysty, ıaǵnı, sýbektıvti faktor iske qosylady. Sondyqtan biz uıymdastyrý-quqyqtyq nysanynda basqarý kompanııa júıesine jaýapkershiligi shekteýli seriktestikti engizýdi usynamyz», - dedi T.Rahymbekov.