Qazaqstannyń tergeý sýdıalary jyl basynan beri 6 myń shaǵymdy qarady
ASTANA. QazAqparat - Qazaqstannyń tergeý sýdıalary jyl basynan beri 6 myń shaǵymdy qarady. Bul týraly búgin Astanada ótken semınarda qylmystyq ister jónindegi qadaǵalaýshy sot alqasynyń tóraǵasy Abaı Rahmetýllın málim etti.
Aıta keteıik, 2015 jyldan bastap Qazaqstanda jańa Qylmystyq-protsessýaldyq kodeks boıynsha tergeý sýdıalary laýazymy paıda boldy. Osy aralyqta olar 6 myńnan astam shaǵym men qoldaýhat qarap úlgerdi.
«2015 jyly 4 aı ishinde tergeý sýdıalaryna sheshý úshin 6191 ótinish pen usynys kelip tústi. Olardyń ishinde 3842 materıal nemese 62 paıyzy úıqamaqta ustaýǵa sanktsııa berýge jatady. Sonymen qatar 2015 jyldyń 4 aıy ishinde tergeý sýdıalaryna prokýrorlar men qylmystyq qadaǵalaý organdarynyń is-áreketterine jáne sheshimderine qatysty 787 shaǵym tústi. Olardyń ishinde 464 shaǵym qaraldy, sondaı-aq shaǵymnyń úshten biri tolyq nemese jartylaı qanaǵattandyryldy», - dep atap ótti ol.
Onyń sózine qaraǵanda, ózgertýdiń negizdelmeýine sáıkes, 21 protsestik sheshim, 36 laýazymdyq tulǵanyń jáne 6 prokýrordyń is-áreketteri zańsyz dep tanyldy jáne sot ol zań buzýshylyqtardy joıýǵa mindettedi.
Atalǵan semınardy QR Joǵary Soty jáne Qazaqstannyń Sýdıalar Odaǵy uıymdastyryp otyr. Oǵan Qazaqstannyń quqyq qorǵaý organdary men sýdıalarymen qatar, Germanııa, AQSh, Moldova, Estonııa elderinen sheteldik sarapshylar shaqyryldy.
