Qazaqstannyń tennıs quramalary karantınnen keıin Býrabaıda jattyǵýyn bastady
NUR-SULTAN. QazAqparat - Qazaqstannyń ulttyq tennıs quramalary karantınnen keıin alǵashqy ret oqý-jattyǵý jıyndaryn bastady, dep habarlaıdy QazAqparat QR Tennıs federatsııasyna silteme jasap.
Qazaqstannyń tennısten ulttyq jáne jasóspirimder quramalary oqý-jattyǵý jıyndaryn bastady. Jattyǵýlar 14 maýsymǵa deıin Býrabaı kýrortynda ótedi.
«Jattyǵý bazasynda 30-dan astam sportshyny jınadyq. Bizdiń maqsatymyz uzaq karantınnen keıin olardyń maýsym aldyndaǵy fýnktsıonaldyq qabiletin qalpyna keltirý. Astanaǵa oralǵan soń sportshylar burynǵysha tennısten jattyǵýyn jalǵastyrady», - dedi tennısten Qazaqstanyń erler quramasynyń kapıtany ıÝrıı Şýkın.
Bapkerler sportshylardyń dene daıyndyǵy deńgeıin kóterý, olardyń tózimdiligin, eptiligin, jyldamdylyǵy men kúshin arttyrý úshin jumys isteıdi.
Sonymen qatar, ıÝrıı Şýkın, ıAroslava Shvedova, Elena Rybakına, Zarına Dııas sııaqty QR Ulttyq quramasynyń ataqty músheleri jas tennısshilermen bilimi jáne tájirıbesimen bólisedi.
«Tennısshiler oqshaýlanýdan shyǵyp jatyr. Menińshe olar tez arada burynǵy qarqynǵa oralyp, tıimdi qalyptaryna keledi» – dedi áıelder quramasynyń kapıtany ıAroslava Shvedova.
Oqý-jattyǵý jıyny bıyl birinshi ret Býrabaı kóliniń boıyndaǵy Ulttyq parkte ornalasqan Rixos Borovoe qonaq úıinde ótedi. Munda nátıjeli jıyndar úshin qajettiniń bári bar. Jabyq jáne ashyq tennıs korttary, velojoldar, júgirý joldary, sportshylardyń tamaqtanýyna arnalǵan arnaıy mázir, jaqsy demalýǵa jáne jyldam qalypqa kelýge múmkindik beretin jaıly nómirler bar.
Eske sala keteıik, bul sportshylardyń koronavırýs pandemııasyna baılanysty bolǵan uzaq merzimdi úzilisten keıingi alǵashqy jıyny.
