Qazaqstannyń tennıs federatsııasy óz sportshylaryna jyldyq baǵa berdi
ASTANA. 14 jeltoqsan. QazAqparat - Búgin Astanada QR Tennıs federatsııasy jyldyq jumystyń qorytyndysyn shyǵardy.
Іs-sharaǵa Federatsııanyń vıtse-prezıdenti Ádil Búrlibaev qatysty.
«Sóz joq, Qazaqstandaǵy kásibı tennıstiń ótip bara jatqan jyldyń nátıjelerine biz rızamyz. Bizdiń jigitter men qyzdar kásibı týrlarda komanda bolyp óner kórsetýde ózderin jaqsy qyrynan kórsetti. Ókinishke oraı, olardyń keıbiri jekeleı synda úlken jetistikterge qol jetkize almady. Esterińizde bolsa, jaqynda ǵana Mıhaıl Kýkýshkınge jambas súıegine ota jasady. Degenmen, bunyń aldynda ǵana ol Devıs Kýbogi jolyndaǵy jarystyń alǵashqy týrynda Ózbekstan quramasymen ótkizgen oıynda, azýly Istomındi jeńip, Qazaqstanǵa sońǵy sheshýshi upaı ápergen edi», - dedi Á.Búrlibaev.
Federatsııa basshysynyń orynbasary, sonymen qatar, halyqaralyq arenada baǵy men baby qatar janǵan sportshylardyń da esimin jeke-jeke atady.
«Qyzdar arasynda jeke reıtıngte Shvedovanyń jetistigi aıtarlyqtaı boldy. Ol WTA álemdik reıtıngisindegi úzdik 30 tennısshiniń qataryna endi. Bıyl Halyqaralyq tennıs qaýymdastyǵy Shvedovany jyl serpindisi dep tanydy. Galına Voskoboeva azdap reıtıngte tómen syrǵydy. Sesıl Karatancheva buryńǵy deńgeıinde qaldy. Al ıÝlııa Pýtıntsova úlken jumysty atqardy. Onyń eńbekqorlyǵy men eńbeksúıgishtigi úlgi tutarlyq. Maýsym aıaqtalýǵa jaqyn bolsa da, ol óz reıtıngin jaqsartýdy doǵarǵan joq. Osylaısha, eresekter arasynda 106-satyǵa kóterildi jáne Australian Open týrnıriniń tarıhynda eń jas tennısshisi atanatyn boldy», - dep atap ótti ol.
Onyń aıtýynsha, kásibı turǵyda ósip kele jatqan jas sportshylar jeterlik. Anna Danılına, Alena Nemchen, Kámıla Kerimbaeva, Ekaterına Klıýeva men Aleksandra Grınchıshına syndy sportshy qyzdar álemdik dodalarda jetken jetistikteri táýir-aq.
«Olar bizdiń negizgi quramymyzdyń artynan ókshelep kele jatqan jas býyn ókilderi. Osy sportshylardan biz qosalqy quramdy jasaqtaıtyn bolamyz. Erler arasynda jaǵdaı óte aýyr. Men tek Ispanııada kúni búginge deıin jattyǵyp kelgen Denıs Evseevtiń esimin ataı alamyn. Qazir oǵan jeke jattyqtyrýshyny taptyq. Jumys kelesi jyldan bastalady. Evseevten keıin tek 16 jastaǵy balǵyndar bar», - dep túıindedi sózin Á.Búrlibaev.
