Qazaqstannyń temir jol salasynda qansha kópbalaly ana jumys isteıdi
ASTANA. QazAqparat - Qazaqstannyń temir jol salasynda 7 myńǵa tarta kópbalaly ana eńbek etedi, dep habarlaıdy QazAqparat tilshisi.
«Halyqaralyq áıelder kúni qarsańyzda «Qazaqstan temir joly» UK» AQ barlyq fılıaldary men qurylymdyq bólimsheleri názik jandardy merekemen quttyqtady. Qazaqstannyń temir jol salasynda qazirgi tańda erlermen qatar, 33 myń áıel ter tógip júr», - delingen QTJ habarlamasynda.
Temir jol salasyndaǵy áıelder qozǵalystyń qaýipsizdigine jaýap berip, jolaýshylar keshenindegi jumysty atqarady, ekonomıkalyq jáne kadrlyq máselelerdi sheshedi. Eń kúrdeli ári sıpaty ártúrli aýmaqtarda temirjolshy áıelder shynaıy kásibıliktiń jáne jaýapkershiliktiń úlgisin kórsetip keledi.
Halyqaralyq áıelder kúnine oraı ótkizilgen saltanatty sharada «Qazaqstan temir joly» UK» AQ Basqarma tóraǵasy Saýat Myńbaev salanyń damýynda áıelderdiń qosyp jatqan úlesi mol ekenin erekshe atap ótti. Názik jandardyń eńbegi de baǵalanyp otyr. Ótken jyly ǵana 500-ge tarta qyzmetker ártúrli marapattarǵa ıe bolǵan.
Qazirgi tańda 7 myńǵa tarta QTJ qyzmetkeri - kópbalaly ana. Olardyń jetpisi «Kúmis alqa» jáne «Altyn alqa» memlekettik nagradalarymen marapattalǵan.
«Áıelderdiń kúrdeli jumyspen birge otbasylyq sharýalardy qosa atqaryp júrgenin erekshe atap ótý kerek», - deıdi QTJ basshysy.
Saltanatty shara barysynda elimizdiń túkpir-túkpirinde temir jol kásipornynda eńbek etetin 15 úzdik qyzmetkerge qurmet gramotalary tabystaldy. Arýlar kúnine oraı QTJ ónerli qyzmetkerleri men balalar arnaıy kontsert qoıyp, kóptiń qoshemetine ıe boldy.
