Qazaqstannyń telexabarlary Reseıde kórsetile bastady
«Shetelde turatyn qazaqtarǵa otandyq telexabarlardy jetkizý boıynsha biraz jumystar atqaryldy. Máselen, «Habar» agenttigi sheteldik ókildikterin ashyp, Reseı Federatsııasynyń terrıtorııasynda xabar taratýǵa ruqsat aldy. Budan bólek, «Habar 24» arnasynyń spýtnıktik xabar taratýdy bastaldy. Onyń sıgnaly «ıAmal 401» jer serigi arqyly taralady. Demek, atalǵan arna barlyq kabeldik operatorlarda bar jáne ony Reseıdiń kez kelgen jerinde kórýge bolady. Osyny iske asyrý úshin 15 jylymyz ketti», - dedi D.Abaev mınıstrliktiń alqa májilisinde.
Aıta keteıik, otyrysta Dáýren Abaev tsıfrlyq telexabarlarǵa qosylatyn oblystardy atady. Byltyr elimizde analogtyq tele-radıo xabarlardy taratýdy kezeń-kezeńimen toqtatý jumystary bastalǵaú bolatyn. Búginde tórt aımaq - Mańǵystaý, Túrkistan, Jambyl oblystary jáne Shymkent qalasy tolyǵymen tsıfrlyq teledıdarǵa kóshti. 
"Osylaısha, aýyldaǵy aǵaıyn 15 otandyq telearnany, al oblys ortalyǵynyń turǵyndary 30 arnany joǵary sapada tamashalap otyr. Bıyl biz Almaty, Pavlodar men Qostanaı aımaqtaryn tsıfrlyq xabar taratýǵa aýystyrýdy kózdep otyrmyz. Osy baǵyttaǵy jumystar 2022 jyly tolyq aıaqtalady degen josparymyz bar", - dedi D.Abaev mınıstrliktiń alqa májilisinde. Spýtnıktik tarelkalar aýyl turǵyndaryna tegin beriledi.
