Qazaqstannyń telearnalary álemdik standarttar deńgeıinde jumys isteıtin bolady

Kezdesý barysynda telearnalardyń Teleradıokeshen ǵımaratyna qonys aýdarý kestesin júzege asyrý jáne olar­dyń mate­rıaldyq-tehnıkalyq resýrs­ta­rynyń daı­­yndyǵy máseleleri talqylandy.

Teleradıokeshenge «Habar agent­ti­gi» AQ, «Qazaqstan» RTRK», «Mır» HTRK men «Eýrazııa+ORT» telekompanııasy ornalasatyn bolady. Sondaı-aq, Teleradıokeshen bazasynda ústimizdegi jyly  «Bilim» jáne «Novostı 24» eki jańa arna shyǵarý jos­parlanǵan.

Teleradıokeshen memlekettik taratý kom­­­­panııalary úshin basty tehnolo­gııalyq alań bolady jáne sapaly ári bá­se­kege qabiletti medıakontent óndirisine degen barlyq aǵym­daǵy jáne keleshek­tegi sura­nysty qana­ǵattandyrady.

«Qazmedıa ortalyǵy» teleradıo­ke­sheni Memleket basshysynyń tapsyrmasy boıynsha salynǵan.

Keshen keremet mýltımedıalyq jo­ba bolyp tabylady. Oǵan jańalyq­tar, tok-shoý, serıaldar túsirý, dybys jazý, dýblıaj jasaý, radıo taratý jumystaryn daıyndaý úshin 24 stýdııa ornalastyrylady. Orna­­­tyl­ǵan jab­dyq­tar mıkrofon­­­dardy, kameralardy, montajdaý pýlt­te­rin, jaryqtan­dyrýdy, dybys júıele­rin, t.b. qosa alǵanda tolyqtaı jı­­­naq­­­­tal­ǵan tehnologııalyq jeli bolyp tabylady.

TRK-niń joǵary synypty teh­nı­ka­lyq jaraqtandyrylýy ony tek Or­talyq Azııa jáne TMD elderi ǵana emes, sonymen qatar álemdegi de eń je­tekshi jabdyq­tar qata­ryna jatqyzýǵa múmkindik beredi.

Qazirgi kezde munda qural-jab­dyq­tar­dy daıyndaý men telearnalar personalyn álem­degi eń zamanaýı telek­om­mýnıka­tsııa­lyq jáne televızııalyq jab­dyq­tarda ju­mys isteýge oqytyp, úıretý úderisteri aıaqtalyp keledi.