Qazaqstannyń Tájikstanǵa kómek kórsetý máselelerin eki eldiń mınıstrleri talqylady

NUR-SULTAN. QazAqparat - Qazaqstan men Tájikstannyń Qorǵanys mınıstrleri telefon arqyly sóılesti, dep habarlaıdy QazAqparat QR QM silteme jasap.

Telefon arqyly sóılesý barysynda Qazaqstan Respýblıkasynyń Qorǵanys mınıstri Nurlan Ermekbaev pen Tájikstan Respýblıkasynyń Qorǵanys mınıstri Sheralı Mırzo tájik-aýǵan shekarasy aýdanyndaǵy jaǵdaıdy jáne qaýip-qaterlerge qarsy turý úshin Qazaqstannyń Tájikstanǵa kómek kórsetý máselelerin talqylady.

Qorǵanys vedomstvolarynyń basshylary Dýshanbe qalasynda ótetin Shanhaı Yntymaqtastyq Uıymyna múshe memleketteri qorǵanys mınıstrleriniń aldaǵy ýaqytta ótetin keńesine baılanysty máselelerdi de qozǵady.