Qazaqstannyń Taılandtaǵy dıplomatııalyq mıssııasy Bangkokta ustalǵan ushaqtaǵy qazaqstandyqtardyń quqyqtaryn qorǵaýda arnaıy sharalar júrgizýde
ASTANA. Jeltoqsannyń 14-i. QazAqparat /Aıdar Ospanalıev/ -Qazaqstannyń Taılandtaǵy dıplomatııalyq mıssııasy men quzyrly organdardyń málimetteri boıynsha, Bangkokta ustalǵan 4L-AWA nómirli Il-76 ushaǵy Grýzııanyń «Aır Vest Djordjıa LTD» kompanııasynyń atyna tirkelgen.
Bul týraly búgin jýrnalıstermen bolǵan baspasóz máslıhatynda Syrtqy ister mınıstrliginiń baspasóz hatshysy Іlııas Omarov málim etti, dep habarlaıdy QazAqparat.
Onyń sózine qaraǵanda, atalmysh ushaqty jańazelandııalyq «SP Treıdıng LTD» kompanııasy júk tasymaldaý úshin jalǵa alǵan. «Ushaqtyń ekıpajyndaǵy 4 qazaqstandyq pen belarýstyq 1 azamatty «Aır Vest LTD» kompanııasy ushaqta qyzmet kórsetý úshin jaldaǵan jáne bul shara halyqaralyq normalarǵa sáıkes. Qazirgi tańda Qazaqstannyń dıplomatııalyq mıssııasy qazaqstandyqtardyń quqyqtary men múddelerin qorǵaý úshin arnaıy jumystar júrgizýde. «Ázirge qazaqstandyqtarǵa qandaı da bir aıyp taǵylatyny jóninde aıtýǵa erterek. Óıtkeni, búgin Taılandtyń polıtseıleri sot organdarynan ustalǵandardy qamaýǵa alý merzimin taǵy 12 kúnge uzartýdy suraǵan», dedi baspasóz hatshysy.
