Qazaqstannyń taýly óńirlerinde qar kóshkini qaýpi bar
ASTANA. QazAqparat - Qar mólsheriniń kóbeıýine baılanysty Qazaqstannyń taýly óńirlerinde qar kóshkini túsý qaýpi joǵarylaıdy, dep habarlaıdy «QazAqparat» HAA Qazgıdrometke silteme jasap.
«Qardyń kóp mólsherdegi túsýi kútilgendikten, taýly aımaqtarda qar kóshkini qaýpi artady. Taýly jerlerde abaı bolýǵa keńes beremiz»,-dep jazylǵan vedomstvo taratqan habarlamada.
Kazgıdromet málimetine súıensek, 27 jeltoqsan kúni Іle, Jetisý Alataýy, Qyrǵyz Alataýy, Talas Alataýy, Batys Altaı jáne Tarbaǵataı jotalarynda qardyń kóp mólsherdegi túsýi kútiledi.
Ótken táýlikterde elimizdiń barlyq taýly aımaqtarynda, onyń ishinde Tarbaǵataı jotalary (29 mm) jáne Talas Alataýynda (14 mm) qar mol jaýdy. Degenmen, ázirge qardyń qalyńdyǵy kóshkindi qolmen túsiretindeı mólsherge jetken joq.
