Qazaqstannyń táýelsizdik tarıhyn nasıhattaıtyn keshendi baǵdarlama qajet - Elbasyǵa joldanǵan hattardan
ASTANA. Qarashanyń 7-si. QazAqparat /Arman Asqarov/ - Qurmetti Nursultan Ábishuly, el egemendiginiń 20 jyldyǵy qarsańynda Qazaqstannyń táýelsizdik tarıhyn nasıhattaıtyn keshendi baǵdarlama ázirleý qajet. Elbasy Nursultan Nazarbaevtyń halyqpen tikeleı jeli arqyly tildesýine oraı Astanada jumys istep jatqan Baılanys ortalyǵyna Aqtóbe oblystyq tarıhı- ólketaný murajaıynyń qyzmetkerlerinen búgin osyndaı usynys keldi,
dep habarlaıdy QazAqparat.
«Qadirli Nursultan Ábishuly! Aldaǵy ýaqytta ózińiz bastap kele jatqan Táýelsizdikke 20 jyl tolady. Endi osy Táýelsizdik tarıhyn halyqqa, ásirese, jas urpaqqa jan-jaqty ári tereńdeı túsindiretin kez keldi. Búginde jastardyń táýelsiz sanasyn qalyptastyratyn ýaqyt jetti. Sondyqtan el egemendiginiń 20 jyldyǵy qarsańynda Táýelsizdik tarıhyn nasıhattaıtyn keshendi baǵdarlama ázirleý qajet. Bul bastamany júzege asyratyn elimizdegi murajaılar bolýy tıis. Ol úshin otandyq murajaılardyń mártebesin mádenı-ǵylymı zertteý mekemesi dárejesine kóterý kerek»,-deıdi murajaı qyzmetkerleri.
Sondaı-aq hatta shetelden keletin azamattardyń, eń birinshi, murajaıǵa barýdy qalaıtyndyqtary týraly aıtylyp, elimizdegi murajaılar ǵımarattarynyń eskirip jatqandyǵyna basa nazar aýdarylady.
