Qazaqstannyń táýelsizdiginiń 30 jyldyǵyna arnalǵan popýrrı án shyqty

NUR-SULTAN. QazAqparat – Kelesi jyly Qazaqstannyń táýelsizdik alǵanyna 30 jyl tolady. Halqymyz úshin qasıetti de kıeli merekege baılanysty «Sparta» KTK komandasynyń kapıtany Danııar Jumadilov 1991-2020 jyldar aralyǵynda shyrqalǵan aıtýly 30 ándi bir ánge biriktirip, kóptiń nazaryna usyndy, dep habarlaıdy QazAqparat.

Ekrandaǵy rolıkte áýeli «Táýelsizdik alǵaly beri mýzykalyq ındýstrııa birneshe satyny basyp ótti» degen jazý shyǵady. Osydan keıin ártis 1991-2020 jyldar aralyǵyndaǵy otandyq estrada juldyzdarynyń ánderin shyrqaı bastaıdy.

«Qazaqstanda 30 jyldyń ishinde kóptegen oqıǵa bolǵanynan habardarsyzdar. Sol jyldardyń bári de ánshilerdiń áninde kórinis taýyp jatty. Men 30 ándi bir ánge biriktirdim. Bul týyndylardy meniń bala shaǵymnan er jetkenge deıin tyńdap óstim. Kelesi jyly Qazaqstannyń Táýelsizdik alǵanyna 30 jyl tolady. Osy aıtýly merekeniń qurmetine myna vıdeorolıkti tartý eteıin dep sheshtim. Sizderge unaıtynyna senimdimin», - dep jazdy Danııar Jumadilov Instagramparaqshasynda .

Bul joba boıynsha shyǵarmashylyq top birneshe aı boıy jumys istepti. Vıdeorolıkte toqsanynshy jyldardan bergi qazaq jáne orys tilderiniń ánderi biriktirilgen. Ánder toptamasynyń ishinen Roza Rymbaevanyń «Qazaq eli», ABK tobynyń «Tamshylar», Mıýzıkl toby men Batyrhan Shúkenovtyń «Pevıtsa ı Saksafon» ánin, Murat Nasyrovtyń «ıA eto ty», sondaı-aq «Qurbym, jan qurbym» sekildi el ishinde taraǵan ánderdi tanýǵa bolady.

Vıdeorolık qazirdiń ózinde 145 myń ret qaralǵan. 1600-den astam adam óz pikirin qaldyryp, ártiske alǵys aıtýda.