Qazaqstannyń Táýelsizdigin nyǵaıtý - elimizdiń bolashaq ıntellektýaldar elıtasyn qalyptastyrýymen tikeleı baılanysty - B. Jumaǵulov
ASTANA. 10 qarasha. QazAqparat /Rýslan Ǵabbasov/ - Qazaqstannyń Táýelsizdigin nyǵaıtý - elimizdiń bolashaq ıntellektýaldar elıtasyn qalyptastyrýymen tikeleı baılanysty.
Bul týraly búgin Astanada Matematıka, fızıka, hımııa jáne bıologııadan ІІІ Prezıdenttik olımpıadanyń saltanatty ashylýynda Bilim jáne ǵylym mınıstri Baqytjan Jumaǵulov málim etti.
«Qazaqstannyń Táýelsizdigin nyǵaıtý - elimizdiń bolashaq ıntellektýaldar elıtasyn qalyptastyrýymen tikeleı baılanysty. Sondyqtan biz mınıstrlik tarapynan daryndy balalar men jas talanttar shyǵyrmashylyǵyn damytýǵa jaǵdaı jasaýǵa baǵyttalǵan oń sharalardy qoldaımyz»,- dedi mınıstr.
Osy oraıda vedomstvo basshysy ár jyldary joǵary deńgeıde hımııadan mektep oqýshylary arasynda Mendeleev olımpıadasy, fızıkadan - Azııa olımpıadasy, Halyqaralyq matematıka olımpıadasy, sondaı-aq ınformatıkadan Eýrazııa olımpıadasy ótkizilgenin jetkizdi. «Atap aıtqanda ınformatıkadan halyqaralyq olımpıadanyń uıymdastyrýshy komıteti 2016 jyly bul bilim saıysyn Qazaqstanda ótkizýdi usynyp otyr»,-dedi B. Jumaǵulov.
Aıta keteıik, 10-12 jeltoqsan aralyǵynda bolatyn matematıka, fızıka, hımııa jáne bıologııadan 11-synyp oqýshylary arasyndaǵy bul olımpıada «Nazarbaev Ýnıversıteti» bazasynda ótedi. Prezıdenttik olımpıadany ótkizý erejesine sáıkes, mınıstrliktiń І dárejeli dıplomdarmen marapattalǵan jeńimpazdar «Bolashaq» stıpendııasyn bekitýde, al ІІ jáne ІІІ dárejeli dıplomdarmen marapattalǵan júldegerler elimizdiń joǵary oqý oryndaryna túsý kezinde bilim granttaryn taǵaıyndaýda basymdyqqa ıe bolmaq.
