Qazaqstannyń táýelsizdigi Bashqurtstan astanasynda atalyp ótti
ÝFA. QazAqparat - Ýfa memlekettik munaı tehnıkalyq ýnıversıtetinde (Bashqurtstan ýnıversıteti) Qazaqstan Respýblıkasynyń Táýelsizdik kúni atalyp ótti, dep habarlaıdy QazAqparatt «Bashınform» AA-na silteme jasap.
ÝMMTÝ-de Qazaqstannan kóptegen jastar bilim alyp jatyr. Olar ózderiniń salt-dástúrleri men ádep-ǵuryptaryn qatań ustanady. Jyl saıyn ýnıversıtette qazaq stýdentteri ózderiniń basty ulttyq merekesi- Táýelsizdik kúnin atap ótedi. Oǵan ýnıversıtettiń barlyq stýdentteri jınalady.
Osy joly merekege oraı bezendirilgen foıede qonaqtardy ulttyq kıim kıgen qazaq stýdentteri kútip aldy. Osy jerde ádemi etip bezendrilgen ekspozıtsııa uıymdastyryldy. Onda Qazaqstannyń qoldanbaly jáne sándik ónerimen tanysýǵa bolatyn edi. Munda stýdentter ózderiniń aspazdyq qasıetterin de pash etip, qazaqtyń ultyq taǵamdaryn daıyndady.
«Bizdiń ýnıversıtetimizde jaqsy dástúr qalyptasty. Biz jyl saıyn jeltoqsan aıynda Qazaqstan Respýblıkasynyń Táýelsizdik kúnin atap ótemiz. Qazaqstandyq stýdenter jyl saıyn jańa dúnıelerdi oılap taýyp, bul merekeni óte keremet etip ótkizetin boldy», degen lebizben halyqaralyq yntymaqtastyq basqarmasynyń bastyǵy Naıl Chanyshev merekeniń ashylýyn jasady.
Merekelik baǵdarlamanyń ashylýynyń aldynda shaǵyn fýtboldan ýnıversıtette ótken «Qazaqstan Respýblıkasynyń Táýelsizdik kúni Kýbogynyń» júldegerleri marapattaldy. Marapattaý rásiminen soń kontsert bastalyp, onda qazaqstandyq stýdentterdiń merekege arnaıy daıyndaǵan ánderi shyrqalyp, bı bılendi. Sondaı-aq stýdentter qazaqtyń mýzykalyq aspaptarynda neshe túrli týyndylardy oryndady. Stýdentter sonymen qatar merekede «Balqash týraly ańyz» atty spektakldi somdady.
