Qazaqstannyń táýelsiz memleket retinde qalyptasýyndaǵy Tuńǵysh Prezıdentimiz Nursultan Nazarbaevtyń eńbegi eren - S.Sartaev
ALMATY. Aqpannyń 12-si. QazAqparat /Erbol Azanbek/ - Búgin Almatydaǵy QR Tuńǵysh Prezıdenti qorynyń uıymdastyrýymen «Táýelsiz Qazaqstan: zamanaýı memleket retinde qalyptasýdaǵy Prezıdent N.Nazarbaevtyń róli» taqyrybynda kezdesý ótti,
dep habarlaıdy QazAqparat.
Kezdesýge zań ǵylymdarynyń doktory, professor, akademık Sultan Sartaev pen zań ǵylymdarynyń kandıdaty, professor, QR Prezıdenti janyndaǵy Raqymshylyq jasaý máseleleri jónindegi komıssııanyń tóraıymy Zınaıda Fedotova men joǵary oqý oryndarynyń stýdentteri, jas ǵalymdar qatysty. Kezdesý barysynda belgili tulǵalar jastarǵa táýelsizdik alý men táýelsiz el retinde qalyptasý jolyndaǵy Elbasynyń eren eńbegi jaıly baıandady. «Qazaqstannyń táýelsiz memleket retinde qalyptasýyndaǵy eń úlken eńbek Tuńǵysh Prezıdentimiz Nursultan Nazarbaevqa tıeseli. Nursultan Ábishuly Qazaqstannyń memleketin qalyptastyrýshy - «arhıtekory» dep atap ótti óz sózinde akademık S.Sartaev.
QR Tuńǵysh Prezıdenti qory qyzmetkerleriniń aıtýynsha, búgingi kezdesý Elbasynyń 70 jyldyq mereıtoıyna arnalǵan is-sharalardyń bastamasy. Aldaǵy ýaqytta bul baǵytta stýdenttermen kezdesýler, arnaıy dárister uıymdastyrylmaq.
