Qazaqstannyń taýar aınalymy 2021 jyly 101,5 mlrd dollardy qurady

NUR-SULTAN. QazAqparat - Qazaqstannyń taýar aınalymy 2021 jyly 101,5 mlrd AQSh dollaryn qurady. Bul týraly QR Saýda jáne ıntegratsııa mınıstrliginen málim etti, dep habarlaıdy QazAqparat tilshisi.

Vedomstvo málimetinshe, 2021 jyly Qazaqstannyń taýar aınalymy 2020 jylǵy kórsetkishterden 17,4 paıyzǵa asyp, 101,5 mlrd dollardy qurady. Taýar aınalymynyń negizgi úlesin óńdelgen taýarlar boıynsha saýda ıelendi: 2021 jyly bul kórsetkish 58,1 mlrd AQSh dollary boldy. Bul 2020 jylǵa qaraǵanda 12 paıyzǵa (51,8 mlrd AQSh dollary) joǵary. Qazaqstannan eksport kólemi ótken jyly 26,9 paıyzǵa ulǵaıyp, 60,3 mlrd dollarǵa jetti. Import 5,8 paıyzǵa ósip, 41,2 mlrd dollar boldy.

2021 jyly Qazaqstannyń negizgi saýda seriktesteri qatarynda Reseı (ekijaqty saýdanyń jalpy kólemi 24,2 mlrd dollar), Qytaı (shamamen 18,2 mlrd dollar) jáne Italııa (9,6 mlrd dollar) boldy. Jalpy elimizdiń negizgi seriktes elderdiń ondyǵyna Nıderlandy, Túrkııa, Ózbekstan, Frantsııa, Ońtústik Koreıa, AQSh, Germanııa, Úndistan, Ispanııa, Rýmynııa, Gretsııa, Shveıtsarııa kiredi.