Qazaqstannyń tarıhyn túgendep jatyrmyz - Nursultan Nazarbaev
Y. Qarashanyń 23-i. QazAqparat /Erlik Erjanuly/ - Qazaq áli kúnge deıin óz tarıhyn jete bilmeıdi. Onyń barlyǵyn kezegimen bilmesek, bolashaǵymyz bulyńǵyr bolady. Bul týraly QR Prezıdenti Nursultan Nazarbaev búgin Almatydaǵy Sháken Aımanov atyndaǵy «Qazaqfılm» kınostýdııasynyń jumysymen tanysqan kezde aıtty,
dep habarlaıdy QazAqparat.
«Qazaqfılmniń» jumysy shynynda da meni kópten beri tolǵandyryp júretin. Tarıhı bir úlken eńbek bolsa eken dep oıladym. Stsenarıı jazýdy biraz adamǵa tapsyrdym. Kóshpeliler týraly fılm túsirdik. Odan túskeni 220 mıllıon teńge. Jumsaǵanymyz - 30 mıllıon dollar», dedi Elbasy. Nursultan Ábishulynyń aıtýynsha, bıyl qıynshylyqqa qaramastan «Qazaqfılmge» 4 mıllıard teńge qarjy bólinip otyr. Sonyń arqasynda munda jańa qondyrǵylar satyp alyndy. Endi túsirilgen kınony shetelge shyǵaryp óńdeýdiń keregi joq. Barlyq máseleler osy arada sheshiletin bolady.
