Qazaqstannyń tanymal saıasatkerleri Baıan Esentaeva men Dınara Sátjannyń jańa baǵdarlamasynyń qonaǵy bolady (FOTO)
ASTANA. QazAqparat - Prodıýser Baıan Esentaeva men tanymal telejúrgizýshi Dınara Sátjan "Astana" telearnasynda jańa jobany qolǵa aldy.
Onyń qonaqtary Qazaqstannyń bedeldi saıasatkerleri bolmaq. Bul jóninde júrgizýshilerdiń ózderi Instagram-daǵy paraqshasy arqyly habarlady.
«Jaqynda! Skystudio! Men úshin jańa formatta, Dınara Sátjanmen juptasyp, saıasatkerlermen jumys jasaıtyn bolamyz», - dep jazady B.Esentaeva.
«Suhbat - meniń súıikti formatym. Qyzyqty adamdarmen tildesý - bilimińdi molaıtady. Baǵdarlamany Baıan Esentaevamen birge jasaý - keremet! QazMedıaOrtalyq kásipqoılarymen qyzmet isteý - janǵa jaıly. Rejısser Qarlyǵash Smaǵulovamen baǵdarlama túsirý - tamasha beınejazbalarǵa ıe bolý degen sóz. Ózim baýyr basqan «Astana» telearnasynda jańa baǵdarlamamen shyǵý - kópten kútken oqıǵa. P.S. Aýa raıynyń ózi bizge jaqtasyp tur, tuman eki kúnge seıilip, Skystudio-men birge túngi Astanany túsirýge múmkindik aldyq. Kóp uzamaı efırden kóresizder», - dep atap ótti Dınara Sátjan.
Baǵdarlamanyń alǵashqy qonaǵy senator Birǵanym Áıtimova bolmaq. Sonymen qatar kórermender alǵashqy efırlerden Qazaqstannyń strategııalyq zertteýler ınstıtýtynyń dırektory Erlan Karınniń, QR Parlamenti Májilisiniń depýtaty Muhtar Tinikeevtiń jáne ózge de aty elge tanys saıasatkerlerdiń suhbattaryn tamashalaı alady.
Jobanyń bastalýy qarashanyń orta tusyna belgilengen.
