Qazaqstannyń tanymal sarapshylary izbasarlaryna dáris oqıdy
«Bul - bizdiń bastap otyrǵan jańa jobamyz. Osymen ekinshi ret ótkizip otyrmyz. Bul jazǵy mekteptiń basty maqsaty - jas sarapshylar qaýymdastyǵymen baılanys ornatý, jastardy sarapshylyq qyzmetke baýlytý. Eń bastysy - bizdiń jazǵy mektep jas mamandarǵa belgili sarapshylarmen kezdesip, olarmen pikirtalastarǵa qatysyp, olardyń eńbekterimen de tolyq tanysýǵa múmkinshilikter beredi dep oılaımyz. Ekinshi maqsatymyz - jas mamandarmen, sarapshylarmen jazǵy mektep jáne osy sııaqty jobalardy ótkizý arqyly olardyń arasynda kózge erekshe kórinip turǵan ókilderine nazar aýdaryp, múmkin olarmen bolashaqta birlesip, jumys isteýge de kóńil aýdaramyz. Byltyr jazǵy mektepke qatysqan bir áriptesimiz bıyl bizdiń ınstıtýt quramynda istep júr», - deıdi QR Prezıdenti janyndaǵy Qazaqstannyń strategııalyq zertteý ınstıtýtynyń dırektory Erlan Karın.
Jazǵy mektep bes kúnge sozylady. Kýrsqa qatysshy jas mamandar qazaqstandyq sarapshylardyń qaýipsizdikke baılanysty ınteraktıvti pikirtalastaryna kýá bolady. Olardyń ishinde Dosym Sátpaev, Aıdos Sarym, Vıacheslav Dodonov, Sanat Kóshkimbaev, Danııar Qosnazarov, Gúlmıra Eleýova, Dınara Nurysheva syndy bilikti sarapshylar bar. Sondaı-aq jas sarapshylarǵa QR Ulttyq qaýipsizdik komıteti, QR Qaýipsizdik keńesi jáne QR Prezıdent Ákimshiliginiń ókilderi dáris ótkizedi. Budan bólek jazǵy mektep kýrsynda tanymal halyqaralyq sarapshylar vebınar arqyly óz tájirıbesimen bólisetin bolady. Olardyń ishinde «Chatham House» saraptamalyq ortalyǵynyń sarapshysy Djeıms Nıksı, RǴA Shyǵystaný ınstıtýtynyń ǵylymı qyzmetkeri Stanıslav Prıtchın, Frıdrıh Ebert atyndaǵy qordyń Aýǵanstandaǵy dırektory Alekseı ıÝsýpov, Sofııa ýnıversıtetiniń professory Tatıana Dronzına bar.
Komıssııaǵa Qazaqstan jáne Orta Azııanyń keıbir memleketterinen barlyǵy 100-ge jýyq ótinish kelip tústi. Olardyń ishinen komıssııa 20 qatysýshyny iriktep aldy.
