Qazaqstannyń tanymal ártisteri Prezıdenttiń #Birgemiz heshtegine qoldaý kórsetti
NUR-SULTAN. QazAqparat - Taıaýda ǵana Qazaq Republic jobasynyń avtory, dızaıner Sáken Joldas #birgemiz heshtegimen arnaıy maska jasaǵan bolatyn. Ony Qazaqstan Prezıdenti Qasym-Jomart Toqaev óziniń jarııalanymdarynda qoldandy jáne ol áleýmettik jelide ózge qoldanýshylar arasynda da anymal bolyp keledi, dep habarlaıdy QazAqparat tilshisi.
Qazaqstannyń tanymal ártisteri men blogerleri de Prezıdenttiń #BIRGEMIZ heshtegine qoldaý kórsetip, áleýmettik jelilerde dızaınerlik maskamen túsken sýretterin jappaı bólisip jatyr.
Fleshmobqa qatysýshylar arasynda tanymal ánshiler Sáken Maıǵazıev, Aıqyn, Aıdar Turǵambek, Zarına Omarova, Móldir Áýelbekova, jýrnalıst ári «Team Qazaqstan» qozǵalysynyń kóshbasshysy Ashat Sadyrbaı, fýtbolshy Eldos Ahmetov, telejúrgizýshiler Dına Tólepbergen, Áıgerim Esenáli, Djıý-djıtsý qaýymdastyǵynyń atqarýshy dırektory Sanat Shapashov syndy azamattar bar.
Qazaqstannyń tanymal azamattary koronavırýs indetiniń taralýynyń aldyn alý maqsatynda jarııalaǵan jarııalanymdarynda qazaqstandyqtardy sabyr saqtap, bir-birine qamqorlyq tanytýǵa shaqyrady.
