Qazaqstannyń taǵy úsh oblysynda aýa raıyna baılanysty eskertý jarııalandy
NUR-SULTAN. QazAqparat - Qazaqstannyń taǵy úsh oblysynda aýa rıyna baılanysty eskertý jarııalandy, dep habarlaıdy QazAqparat «Qazgıdromet» RMK-nyń derekterine silteme jasap.
Kásiporyn taratqan málimetterge qaraǵanda, 31 shildede Aqmola oblysynyń keı jerlerinde naızaǵaı oınaıyp, túnde jáne tańerteń keı jerlerde tuman túsedi. Batystan, ońtústik-batystan soqqan jeldiń jyldamdyǵy keı jerlerde sekýndyna 15-20 metrge jetedi.
Nur-Sultanda jáne Kókshetaýda 31 shilde kúni naızaǵaı oınaıdy.
Qyzylorda oblysynyń keı jerlerinde naızaǵaı oınap, daýyl, shańdy daýyl turady degen boljam bar. Soltústikten, soltústik-shyǵystan soqqan jel kúshi keı jerlerde sekýndyna 15-20 metr bolady, kúndiz ekpini 25 metrge jetedi. Kúndiz óte joǵary órt qaýpi saqtalady.
Qyzylorda qalasynda tańerteń jáne kúndiz naızaǵaı oınap, daýyl, shańdy daýyl turady, soltústik-shyǵystan ekpini 15-20 m/s jel soǵady.
Shyǵys Qazaqstan oblysynyń keı jerlerde túnde naızaǵaı oınap, tuman túsedi. Jel soltústikten, soltústik-shyǵystan soǵyp, keı jerlerde jyldamdyǵy sekýndyna 15-20 metrge jetedi.
