Qazaqstannyń taǵy eki oblysynda aýa raıyna baılanysty eskertý jarııalandy
ASTANA. QazAqparat - Qostanaı, Qyzylorda oblystarynda aýa raıyna baılanysty eskertý jarııalandy, dep habarlaıdy «Qazgıdromet» RMK.
Qostanaı oblysynda 31 shilde kúni naızaǵaı oınap, keı jerlerde soltústik-shyǵystan soqqan jeldiń jyldamdyǵy sekýndyna 15-20 metrge údeýi yqtımal. Burshaq jaýyp, daýyl turýy múmkin.
Qyzylorda oblysynda 31 shilde men 2 tamyz aralyǵynda keı jerlerde soltústik-shyǵystan jyldamdyǵy sekýndyna 15-20 metrge jetetin jel soǵady. Shańdy daýyl turyp, burshaq jaýýy yqtımal.
Sonymen qatar, buǵan deıin eki óńirdegi aýa raıyna qatysty eskertý jóninde habarlaǵan bolatynbyz. Sınoptıkterdiń málimetinshe, Batys Qazaqstan oblysynda jel kúsheıedi, al Soltústik Qazaqstan oblysynyń keı jerlerinde daýyl turyp, nóser jańbyr jaýady, burshaq túsýi yqtımal.
