Qazaqstannyń taǵy bir balýany jarys jolynan shyǵyp qaldy

ASTANA. QazAqparat - Grekııa balýany Tantero Masmanıdıs qazaqstandyq Aıbat Seıtennen basym tústi, dep habarlaıdy «QazAqparat» HAA tilshisi.

Aıbat Seıten men grekııalyqtyń básekesi  5 mınýt boıy óte tartysty ótti. Báseke bastalǵanda Aıbat jaraqat alyp, boz kilemge dárigerlerdi shaqyrýǵa týra kelgen. Alaıda eńsesin tiktegen balýan kúresti jalǵastyrdy. Eki myqtynyń saıysy tóreshilerdiń sheshimimen grekııalyqtyń paıdasyna sheshildi.

Budan keıin boz kilemge kóterilgen Erjan Shynkeev sırııalyq Muhamed Gasan Hebany kópke jetkizbeı, jambasqa salyp, qarsylasynyń jaýyrynyn jer ıisketti. Ázirge Qazaqstannyń úsh balýany Aıbek Nuǵymarov, Elaman Erǵalıev pen Erjan Shynkeev jarys jolynda.

Aıta ketsek, qazir «Álem barysynyń» 1/8 fınaly ótip jatyr. Qazaqstan balýandarymen birge Mońǵolııa balýany Serik Berdimurat súrinbeı keledi.