Qazaqstannyń taǵy bir áýe kompanııasy IOSA sertıfıkatyna ıe boldy
ASTANA. QazAqparat - Halyqaralyq áýe tasymaldaýshylar qaýymdastyǵynyń (IATA) ókili Djordan Karamalakov «Scat» áýe kompanııasyna IOSA qaýipsizdiginiń halyqaralyq sertıfıkatyn tabys etti, dep habarlaıdy «QazAqparat» HAA tilshisi.
«Scat» áýe kompanııasy úshin bul jumys 3 jyl buryn bastalyp ketken edi. Eki jyl buryn bizdiń kompanııanyń eksplýatatsııalyq jumysynyń myńǵa jýyq elementi tekserilip, kompanııa halyqaralyq standarttarǵa sáıkes IOSA qaýipsizdik sertıfıkatyn alýǵa quqyq beretin aýdıttan ótti. Osynyń negizinde áýe kompanııasy qaýipsiz áýe kóligi boıynsha eýropalyq qaýymdastyqtyń ruqsaty negizinde Eýropa elderine reıs oryndaý quqyǵyna ıe boldy. Bul jaǵdaılar Eýroodaqta qaýipsizdik boıynsha komıssııanyń sheshim qabyldaýyna, Qazaqstandy qaýipsiz el retinde tanýda sheshýshi ról atqardy», - dedi Djordan Karamalakov Astanaǵa Shymkentten ushyp kelgen biregeı «Boıng-737 MAH 8» ushaǵynyń tanystyrylymynda.
Ol óz sózinde áýe kompanııasy úshin álemdik dárejede tasymaldaýshylarmen yntamaqtastyq ornatý turǵysynda jol ashylyp kele jatqanyn tilge tıek etti.
«Qazaqstandaǵy jolaýshylardyń 84 paıyzyna IATA áýe kompanııasynyń músheleri qyzmet kórsetetin bolady. Endi budan bylaı Qazaqstandaǵy jolaýshylardyń 92 paıyzy IOSA qaýipsizdigi boıynsha sertıfıkaty bar áýe kompanııasynyń reısimen ushady. Bul búkil Ortalyq Azııa boıynsha Qazaqstannyń azamattyq avıatsııa salasyndaǵy zor jetistigi bolyp tabylady», - dedi Karamalakov.
Aıta ketsek, Qazaqstanda bul sertıfıkat buryn «Eır Astana» áýe kompanııasynda ǵana bolǵan edi.
