Qazaqstannyń taekvondoshylary Gambýrgte 7 medal jeńip aldy
NUR-SULTAN. QazAqparat - Germanııa Gambýrg qalasynda taekvondodan ótken «German Open G1» halyqaralyq týrnırinde qazaqstandyq sportshylar jeti medal jeńip aldy. Bireýi altyn bolsa, qalǵany - qola medaldar, dep habarlaıdy QazAqparat tilshisi.
74 keli salmaq dárejesinde el qorjynyna úsh birdeı medal tústi. Fınalda Les Ábdýsamat reseılik qarsylasyn jeńip, altynnan alqa taqsa, Nursultan Mamaev pen Nurqanat Qojahmet qolany jeńip aldy. Budan bólek, Samat Temirhanov (54 keli), Saparǵalı Ábdirashev (54 keli), Eldos Ysqaq (58 keli) jáne Denız Jansel (73 keli) úshinshi orynnan kórinip, qola medalǵa ıe boldy.
Aıta keteıik, buǵan deıin Qazaqstannyń taekvondo federatsııasy Gambýrg qalasyndaǵy týrnırge attanatyn sportshylardyń tizimin jarııalaǵan bolatyn. Reıtıngtik týrnırge Qazaqstan komandasy tolyq qurammen bardy.
Atap aıtqanda, erler quramasynda Eldos Ysqaq (58 keli), Eldar Birimbaı (63 keli), Qaırat Sarymsaqov (74 keli), Nurlan Myrzabaev (80 keli), Rahym Ádilhanov (80 keli), Smaıyl Dúısebaı (87 keli), Rýslan Japarov (+87 keli), al qyzdardyń ishinde Farıza Aldońǵarova (53 keli), Aqsáýle Erqasymova (67 keli), Denız Jansel (+73 keli) bar.
«Budan bólek, oblystar esebinen Germanııada Aıtýar Shaıkenov, Samat Temirhanov, Saparǵalı Ábdirashev (barlyǵy da 54 keli), Qazbek Baqtııaruly (63 keli), Nursultan Mamaev (68 keli), Les Ábdýsamat (74 keli) jáne Nurqanat Qojahmet (74 keli) baq synaıdy», - delingen federatsııanyń resmı habarlasynda.
