Qazaqstannyń tabystary men jetistikteri Nursultan Nazarbaevtyń esimimen baılanysty - Nıkıta Maksımenko
Onda oqý ordasynyń basshysy shákirtterine Elbasynyń Qazaqstannyń qalyptasýyndaǵy róli týraly ǵana emes, Tuńǵysh Prezıdenttiń orasan eńbegi týraly da jazǵysy kelgenin aıtady, dep habarlaıdy QazAqparat tilshisi.
«Ult Kóshbasshysy Prezıdent ókilettigin toqtatý týraly Jarlyqqa qol qoıǵannan beri bir jyldan astam ýaqyt ótti. Alaıda, onyń basshylyǵymen berilgen jáne iske asyrylatyn Qazaqstan damýynyń baǵyty otyz jyl boıy ózgerissiz qalyp otyr. Muny jańa memleket basshysy Qasym-Jomart Toqaev óziniń «Tarıhı tulǵa taǵylymy» maqalasynda tolyq atap ótti. Qasym-Jomart Kemeluly ózin Ult Kóshbasshysynyń shákirti retinde kórsete otyryp, onyń saılaýaldy tuǵyrnamasy bastapqyda Tuńǵysh Prezıdent kýrsyn jalǵastyrýǵa jáne onyń bastamalaryn odan ári damytýǵa baǵyttalǵan», - dep atap ótti Saran qalasynyń №17 mektep-gımnazııasynyń dırektory Nıkıta Maksımenko óz maqalasynda.
Sondaı-aq, Nıkıta Valerevıch qazaqstandyq saıası júıeniń turaqty ekendigine nazar aýdarady, bul 2019 jylǵy 9 maýsymda ótken prezıdenttik saılaýda aıqyn kórsetildi. Mundaı saıası júıeni qurý Nursultan Ábishuly Nazarbaevtyń basty tarıhı eńbegi, ony qazirgi ǵana emes, qazaqstandyqtardyń bolashaq urpaǵy úshin de Ult Kóshbasshysyna aınaldyrǵan eńbegi bolyp tabylady.
«Sonaý 1989 jyly Qazaq KSRO-nyń basshysy bolǵan kezde, Keńes Odaǵy qıynshylyqtarǵa, anarhııa men haosqa dýshar bolǵan kezde, N.Á.Nazarbaev Qazaqstannyń 16 mıllıon halqyn ózine sendire, úmittendire bildi. Nátıjesinde respýblıka prezıdentiniń birinshi búkilhalyqtyq saılaýynda Nursultan Ábishuly saılaýshylardyń 99% qoldaýyna ıe bolyp, óz jolyn jańa, táýelsiz Qazaqstannyń kóshbasshysy retinde bastady.
Nursultan Ábishuly óziniń tabıǵı qabiletiniń, qajyrly eńbeginiń, shynaıy jáne tereń patrıottyq seziminiń arqasynda qazirgi Qazaqstan memlekettiliginiń sáýletshisi bola aldy. Onyń basshylyǵymen jáne onyń tikeleı qatysýymen jas memlekettiń saıası, ekonomıkalyq jáne áleýmettik júıeleri qalyptasty. 1990 jyldardyń basynda, qoǵamnyń barlyq salalaryndaǵy tereń daǵdarys dáýirinde ol halyqqa bolashaqqa degen senimin aqtaı aldy», - dep jazady Nıkıta Maksımenko.
Maqalada sondaı-aq N.Á.Nazarbaevtyń bıik bedeliniń arqasynda elimizdiń damýyna qatysty mysaldar keltirilgen.
«Qazaqstan 21 ǵasyrdyń basynda damýdyń senimdi traektorııasyna shyqty, tarıhı ólshem boıynsha qysqa merzimde búkil Ortalyq Azııa óńirinde iri ekonomıkasy bar, beıbitshilik pen turaqtylyqtyń tiregi retinde elimizdi álem moıyndady. Elimiz halyqaralyq kelissózder alańyna aınaldy jáne 2010 jyly EQYU-ǵa tóraǵalyq etý nemese 2017 jyly EKSPO halyqaralyq mamandandyrylǵan kórmesin ótkizý sııaqty álemdik aýqymdaǵy bastamalar men jobalardy iske asyrýǵa qatysýǵa múmkindik berdi.
Osylaısha, táýelsiz Qazaqstannyń qalyptasý tarıhy, onyń tabystary men jetistikteri, ekonomıkalyq jáne saıası turaqtylyǵy, údemeli jáne serpindi damýy bir adamnyń tulǵasymen tyǵyz baılanysty, onyń esimi – Nursultan Ábishuly Nazarbaev!», - deıdi Nıkıta Maksımenko.
