Qazaqstannyń syrtqy saýda aınalymyndaǵy ımport kólemi 12,9 paıyzǵa azaıdy
ASTANA. QazAqparat - Qazaqstannyń syrtqy saýda aınalymyndaǵy ımport kólemi 12,9 paıyzǵa azaıdy. Bul týraly QR Statıstıka agenttiginiń tóraǵasy Álıhan Smaıylov málim etti.
«Aǵymdaǵy jyldyń qańtar-sáýirinde syrtqy saýda aınalymy 41197 mln. AQSh dollaryn qurap, byltyrǵy jyldyń qańtar-sáýirimen salystyrǵanda 0,9 paıyzǵa azaıdy», - dedi Á.Smaıylov.
Agenttik basshysynyń atap ótýinshe, onyń ishinde eksport 5,2 paıyzǵa ósip, 29132 mln. AQSh dollaryn qurady. Al ımport 12,9 paıyzǵa tómendep, 12065 mln. dollarǵa jetti.
«Tutyný baǵalarynyń ındeksi bıylǵy jyldyń mamyr aıynda ótken jyldyń jeltoqsanymen salystyrǵanda 104,5 paıyzdy qurady»,- dedi ol.
