Qazaqstannyń syrtqy saýda aınalymy osy jyldyń 9 aıynda 1,5 paıyzǵa tómendedi
ASTANA. 12 qazan. QazAqparat - Qazaqstannyń syrtqy saýda aınalymy osy jyldyń 9 aıynda 1,5 paıyzǵa tómendedi. Bul týraly búgin brıfıng barysynda QR Statıstka agenttiginń tóraǵasy Álıhan Smaıylov málim etti.
«2013 jyldyń qańtar-tamyzynda Qazaqstannyń syrtqy saýda aınalymy 85 mlrd. 935,3 mln. dollardy qurady jáne ótken jyldyń sáıkes kezeńimen salystyrǵanda 1,5 paıyzǵa tómendedi. Onyń ishinde eksport 5,1 paıyzǵa qysqaryp, 55 mlrd. 213,7 mln. dollardy, ımport 5,7 paıyzǵa kemip, 30 mlrd. 721,6 mln. dollardy qurady», - dedi ol.
Onyń atap ótýinshe, aǵymdaǵy jyldyń 9 aıynda bólshek saýda kólemi 3 trln. 511,9 mlrd. teńgeni qurap, 2012 jyldyń qańtar-qyrkúıegimen salystyrǵanda 12,7 paıyz ósim kórsetti. Al osy jyldyń qańtar-qyrkúıegindegi kóterme saýda kólemi 9 trln. 702,2 mlrd. teńgege jetip, ósim 12,5 paıyzdy qurady.
