Qazaqstannyń syrtqy naryqqa astyq eksportyn bir ǵana eksporter júrgizýi kerek - depýtat R. Madınov
TANA. 10 qazan. QazAqparat /Qanat Mámetqazyuly/ - Qazaqstanǵa syrtqy naryqqa astyq eksporttaýmen aınalysatyn biregeı eksporter kerek.
Búgin QR Parlamenti Májilisinde «Astyq salasy: jaǵdaıy men perspektıvalary» atty taqyrypta ótken Úkimet saǵatynda qosymsha baıandama jasaǵan Agrarlyq máseleler komıtetiniń tóraǵasy, depýtat Romın Mádınov osylaı málim etti.
«Bizge búkil respýblıka boıynsha bir ǵana eksporter kerek. Meıli bul Azyq-túlik korporatsııasy bolsyn, meıli Kanadadaǵy sekildi barlyq taýar óndirýshilerdi bir ortalyqqa jınaıtyndaı bolsyn, áıteýir buny jasaý mańyzdy. Men buǵan kámil senemin»,- deıdi R. Mádınov. Onyń aıtýynsha, bir ǵana eksporter qalyptastyrýdyń birqatar artyqshylyqtary barshylyq. «Birinshiden, astyq dempıngtik baǵa boıynsha satylmaıdy. Ekinshi jaǵynan, bul bizdiń sheteldik áriptesterimiz úshin de asa tıimdi. Al búgin ne bolyp jatyr? Qazaqstandyq áriptester tasymaldaý úshin vagondar jetispeýshiliginen qyrqysyp jatyr. Óıtkeni vagon jetispeýshiligi aıqyn. Al shetelge josparly túrde astyq tasymaldaýdan esh qorqynysh joq ári álemdik qabyldanǵan tájirıbe de sony kórsetip otyr», - deıdi R. Mádınov.
