Qazaqstannyń syrtqy qaryzy 134,9 mlrd. dollardy quraıdy - Ulttyq bank tóraǵasy
ALMATY. 9 qańtar. QazAqparat - Bank sektorynyń syrtqy beresheginiń tómendeýi jalǵasýda.
Bul týraly búgin Almatyda ótken baspasóz máslıhatynda QR Ulttyq bankiniń tóraǵasy Grıgorıı Marchenko aıtty.
«2012 jyldyń 30 qyrkúıeginde jalpy syrtqy borysh 134,9 mlrd. dollardy qurady. Onyń 4 paıyzy (5,1 mlrd.) memlekettik sektordyń, 10 paıyzy (14 mlrd.) bank sektorynyń, 49 paıyzy fırmaralyq bereshekter (65,8 mlrd.)», - dedi Grıgorıı Marchenko.
Onyń aıtýynsha, qarjy naryǵynyń 2012 jylǵy aldyn ala qorytyndysy boıynsha, bank sektorynyń syrtqy boryshy TuranÁlem bankiniń mindettemelerin ekinshi ret qaıta qurylymdaý nátıjesinde taǵy 2,7 mlrd. dollarǵa kemidi. ıAǵnı bank sektorynyń jalpy bereshegi 11,3 mlrd. dollardy qurady. Jalpy bank sektorynyń syrtqy beresheginiń sharyqtaý shegi 2007 jyly tirkelip, ol 26,5 mlrd. dollardy quraǵan edi.
