Qazaqstannyń syrtqy ister vedomstvosy «Parıj-Rım» ushaǵyna qatysty oqıǵanyń mán-jaıyn tekserip jatyr
ASTANA. 25 sáýir. QazAqparat /Damır Baımanov/ - Qazaqstannyń Syrtqy ister mınıstrligi «Parıj-Rım» reısinde qazaqstandyq azamattyń qatysýymen oryn aldy degen oqıǵanyń mán-jaıyn tekserip jatyr,
dep habarlady QazAqparat tilshisine syrtqy saıasat vedomtvosynyń resmı ókili.
«Biz qazir oqıǵanyń mán-jaıyn egjeı-tegjeıli tekserip jatyrmyz. Álgi adamnyń shyn máninde Qazaqstannyń ıÝNESKO janyndaǵy ókildiginiń keńesshisi me, álde joq pa, ony ázirge naqty bilmeımiz. Tolyq jáne naqty málimet alǵannan keıin ǵana túsindirme bere alamyz», dedi A.Ábdrahmanov.
Buǵan deıin reseılik RBK agenttigi VVS telekompanııasyna silteme jasap, Qazaqstan azamaty pyshaqpen qorqytyp, Lıvııaǵa jolaýshylar ushaǵyn aıdap áketpek boldy degen aqparat taratqan bolatyn.
Alitalia áýekompanııasy ókilderiniń habarlaýynsha, Parıj-Rım baǵytyndaǵy laınerinde belgisiz bireý adamdardy pyshaqpen qorqytyp, ushaqty Lıvııa elordasy - Trıpolıge burýdy talap etken. Kompanııa ókilderiniń aıtýynsha, bort ekıpajy álgi qaraqshyny ózderi qarýsyzdandyryp, aıaq-qolyn mataǵan, bir bort jolserigi kishigirim jaraqat alǵan.
Kúdikti ushaq jerge qonǵannan keıin Rım polıtsııasynyń qolyna ustap berildi. Kýágerlerdiń aıtýynsha, «ol óz áreketine ózi jaýap bere almaıtyn jaǵdaıda bolǵan». Keıinnen, álgi azamat Qazaqstannyń ıÝNESKO janyndaǵy ókili degen aqparat taratylǵan. Italııa polıtsııasynyń ókilderi onyń 48 jastaǵy Valerıı Tolmachev ekenin habarlap otyr. Oqıǵa boıynsha tekserý júrgizilýde.
