Qazaqstannyń Syrtqy ister mınıstri reseılik áriptesine kóńil aıtty
ASTANA. 12 shilde. QazAqparat - Qazaqstannyń Syrtqy ister mınıstri Erjan Qazyhanov, «Býlgarııa» kemesiniń apatqa ushyraýyna baılanysty reseılik áriptesi Sergeı Lavrovqa kóńil aıtyp jedelhat joldady,
dep habarlady syrtqy saıasat vedomstvosynyń baspasóz qyzmetinen.
«Edildegi kóp adam qurbandyǵyna ákelgen «Býlgarııa» jolaýshylar kemesi apatynyń saldarynan adamdardyń qaza bolǵany týraly habardy kúızele otyryp estidim. Osynaý qaraly kúni Sizge qaıǵyryp kóńil aıtamyz jáne qaza bolǵandardyń otbasylaryna, týǵandary men jaqyndaryna qoldaý sózimizdi jetkizýdi suraımyz», - delingen úkimettik jedelhat mátininde.
