Qazaqstannyń sút shyǵaratyn 6 kásiporyny ónimderin Qytaıǵa eksporttaıdy

NUR-SULTAN. QazAqparat - Almaty, Aqmola jáne Qostanaı oblystarynyń kásiporyndary óz sút ónimderin Qytaıǵa eksporttaı alatyn boldy, dep habarlaıdy Aýyl sharýashylyǵy mınıstrligi.

QR Aýyl sharýashylyǵy mınıstrligi men QHR-nyń Bas keden basqarmasy arasyndaǵy belsendi yntymaqtastyqtyń nátıjesinde taǵy úsh qazaqstandyq sút óńdeýshi kásiporyn Qytaıǵa eksporttaýǵa quqyǵy bar kásiporyndardyń tizimine endi. Olar: «Gormolzavod» JShS (Kókshetaý, Aqmola oblysy), «Dáýlet-Beket» (Taldyqorǵan, Almaty oblysy) jáne «Lıder-2010» (Rýdnyı, Qostanaı oblysy).

Prezıdent Qasym-Jomart Toqaev qyrkúıek aıyndaǵy sapary aıasynda Beıjińde sút jáne sút ónimderin eksporttaýǵa veterınarııalyq-sanıtarlyq talaptar týraly hattamaǵa qol qoıdy. Sol kezde Almatydaǵy Fýdmaster, Qaraǵandydaǵy ​​Evrazııa Invest LTD jáne Túrkistandaǵy Golden Camel Group LTD sııaqty úsh kompanııa óz ónimderin kórshi memleketke satý quqyǵyn alǵan bolatyn.

Qazirgi ýaqytta sút jáne sút ónimderin óndiretin 6 kásiporyn óz ónimderin Qytaıǵa eksporttaı alady.