Qazaqstannyń sút ımportyna táýeldiligi azaıady – mınıstr

ASTANA. QazAqparat – Ótken jyly 36 taýarlyq sút fermasy iske qosyldy, bul eldiń ımportqa táýeldiligin azaıtady, dep habarlaıdy QazAqparat.

«Qoldanystaǵy memlekettik qoldaý sharalary mal sharýashylyǵy salasyna ınvestıtsııanyń tartylýyn saqtaýǵa múmkindik berdi. Ótken jyly mal sharýashylyǵyna tartylǵan ınvestıtsııa 2021 jylmen salystyrǵanda 67% artyp, 117,5 mlrd teńgege jetti, 102 ınvestıtsııalyq joba iske asyryldy», - dedi Aýyl sharýashylyǵy mınıstri E. Qarashókeev búgingi Úkimet otyrysynda.

Bul rette ınvestıtsııalardyń eń úlken kólemi taýarlyq sút fermalary qurylysyna tıesili. 2022 jyly qýaty 52,4 myń tonna sút bolatyn 36 taýarlyq sút fermasy iske qosylǵan.

Sondaı-aq jalpy qýaty jylyna 41,9 myń tonna qus etin óndiretin fabrıkalar salý boıynsha 7 ınvestıtsııalyq joba paıdalanýǵa berildi.

«Bıyl Soltústik Qazaqstan oblysynyń tájirıbesi boıynsha iri ınvestıtsııalyq jobalardy iske asyrýǵa respýblıkalyq bıýdjetten óndiristik qýaty jylyna 373 myń tonna sút bolatyn 65 taýarlyq sút fermasyn qurýǵa 100 mlrd teńge bólindi, bul eldiń ımportqa táýeldiligin 39%-dan 11%-ǵa deıin tómendetýge múmkindik beredi», - dedi mınıstr.