Qazaqstannyń sýly-batpaqty alqaptaryndaǵy jabaıy qustardy kóktemde atýǵa tyıym salý qajet
ASTANA. 25 qarasha. QazAqparat /Rýslan Ǵabbasov/ - Qazaqstannyń sýly-batpaqty alqaptaryndaǵy jabaıy qustardy kóktemde atýǵa tyıym salý máselesi kóterilip otyr.
Bul týraly búgin Astanada «Jyl qustary meken etetin mańyzdy sýly-batpaqty alqaptardy keshendi túrde qorǵaý» jobasyn basqarý boıynsha ulttyq komıtettiń 12-otyrysynda atalǵan jobanyń ulttyq menedjeri Talǵat Kerteshev aıtty.
Sýly-batpaqty alqaptaǵy ańshylyq jerlerdiń eresheligi jáne ańshylyq sharýashylyqty júrgizýdiń josparyn qurý boıynsha ádistemelik jobasy ázirlengenine toqtalǵan ol, «osy oraıda Almatyda biz ańshylyq qoǵamdastyqpen birlese arnaıy semınar ótkizdik. Onda sýly-batpaqty alqaptarda kóktemde ańshylyq kásipke tyıym salý máselesin kóterdik jáne osy baǵytta atqarylatyn sharalardy mańyzdy dep sanaımyz»,- dedi.
«Atap aıtqanda, ótken jyly Qorǵaljynda ańǵa shyǵýǵa tyıym salynǵan bolatyn. Bıyl biz úkimettik emes uıymdarmen birlese sýda júzetin jabaıy qustardy kóktemde atýǵa tyıym salý usynysyn engizip otyrmyz»,- dep túıindedi sózin T. Kerteshev.
