Qazaqstannyń sýdaǵy qutqarý qyzmeti shomylý maýsymy kezeńinde jumysty kúsheıtýde

Bul týraly búgin baspasóz máslıhatynda mınıstrliktiń tótenshe oqıǵalardy joıý departamentiniń dırektory Dıhanbek Satylǵanov málim etti.

Onyń habarlaýynsha, shomylý maýsymy bastalǵaly beri (1 maýsym ) ashyq sý aıdyndarynda 143 adam sýǵa ketken, olardyń toǵyzy - balalar. Ótken jyly bul statıstıka - 284 adamdy quraǵan. D.Satylǵanovtyń aıtýynsha, bul qaıǵyly oqıǵalardyń basty sebebi - adamdardyń mas bolyp jáne shomylýǵa arnalmaǵan jerlerde sýǵa túsýi.

Qazaqstanda 80 myńnan astam ashyq sý kózi bar, al shomylýǵa arnalǵan oryn - 821. D.Satylǵanovtyń aıtýynsha, kerek-jaraqpen jabdyqtalǵan, sý kózi men jaǵalaý aýmaǵy ábden tekserilgen ondaı arnaıy aýmaqtarda sýdaǵy qutqarý qyzmetiniń beketteri kezekshilik atqarady.